ਬੱਚਿਆਂ ਦੇ ਖੇਡ ਮੁਕਾਬਲੇ ਕਰਵਾਏ

ਭਗਤਾ ਭਾਈ: ਬਠਿੰਡਾ ਸਪੋਰਟਸ ਐਂਡ ਕਲਚਰ ਕਲੱਬ ਟੋਰਾਂਟੋ ਵਲੋਂ ਬਠਿੰਡੇ ਜ਼ਿਲ੍ਹੇ ਦੇ ਨਿਵਾਸੀਆਂ ਨੇ ਪਿਕਨਿਕ ਸਬੰਧੀ ਸਮਾਗਮ ਟੈਰਾ ਕੋਟਾ ਕੰਜਰਵੇਸ਼ਨ ਸੈਂਟਰ ਕੈਲਡਨ ਕੈਨੇਡਾ ਵਿੱਚ ਕਰਵਾਇਆ। ਪਰਮਾਤਮਾ ਸਿੰਘ ਸਿੱਧੂ (ਹਮੀਰਗੜ੍ਹ) ਤੇ ਸ਼ਵਿੰਦਰ ਸਿੰਘ ਸੁਲਾਬਤਪੁਰਾ ਨੇ ਦੱਸਿਆ ਕਿ ਇਸ ਮੌਕੇ ਸੁਨੈਲਾ ਕਪਿਲ ਤੇ ਸਨਦੀਪ ਸਿੱਧੂ ਦੀ ਅਗਵਾਈ ਹੇਠ ਵਿਸ਼ੇਸ਼ ਤੌਰ ‘ਤੇ ਬੱਚਿਆਂ ਦੀਆਂ ਵੱਖ-ਵੱਖ ਖੇਡਾਂ ਕਰਵਾਈਆਂ ਗਈਆਂ। ਜਿਸ ‘ਚ 600 ਬੱਚਿਆਂ ਨੇ ਭਾਗ ਲਿਆ। ਇਸ ਮੌਕੇ ਸੀਨੀਅਰ ਅਕਾਲੀ ਆਗੂ ਕੁਲਵੰਤ ਸਿੰਘ ਕੀਤੂ (ਬਰਨਾਲਾ), ਮੈਂਬਰ ਪਾਰਲੀਮੈਂਟ ਸੋਨੀਆ ਸਿੱਧੂ, ਡਿਪਟੀ ਮੇਅਰ ਹਰਕੀਰਤ ਸਿੰਘ, ਗੁਰਮਤਿ ਗੁਰਪ੍ਰਤਾਪ ਸਿੰਘ ਤੂਰ ਰੀਜਨਲ ਕਾਊਂਸਲਰ ਤੇ ਨਿਰਮਲ ਸਿੰਘ ਬੁਰਜਗਿੱਲ ਵਿਸ਼ੇਸ਼ ਮਹਿਮਾਨ ਸਨ। ਸੀਨੀਅਰ ਆਗੂ ਕੁਲਵੰਤ ਸਿੰਘ ਕੀਤੂ ਨੇ ਜੇਤੂ ਬੱਚਿਆਂ ਨੂੰ ਇਨਾਮਾਂ ਦੀ ਵੰਡ ਕੀਤੀ। ਇਸ ਮੌਕੇ ਸਿਕੰਦਰ ਭੁੱਲਰ, ਸੁਸ਼ੀਲ ਧੀਰ, ਅਜਮੇਰ ਜਲਾਲ ਤੇ ਨਿਰਮਲ ਭਾਈ ਰੂਪਾ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ