ਕਾਵੇਰੀ ਦਾ ਪਾਣੀ ਤਾਮਿਲਨਾਡੂ ਨੂੰ ਦੇਣ ਖ਼ਿਲਾਫ਼ ਕਰਨਾਟਕ ’ਚ ਮੁਕੰਮਲ ਬੰਦ

ਬੰਗਲੌਰ, 29 ਸਤੰਬਰ
ਤਾਮਿਲਨਾਡੂ ਨੂੰ ਪਾਣੀ ਦੇਣ ਦੇ ਵਿਰੋਧ ਵਿਚ 'ਕੰਨੜ ਓਕੂੱਟਾ' ਵਲੋਂ ਦਿੱਤੇ ਕਰਨਾਟਕ ਬੰਦ ਨੂੰ ਬੰਗਲੌਰ ਅਤੇ ਸੂਬੇ ਦੇ ਦੱਖਣੀ ਇਲਾਕਿਆਂ ਦੇ ਲੋਕਾਂ ਦਾ ਪੂਰਾ ਸਮਰਥਨ ਮਿਲਿਆ ਹੈ। ਬੰਦ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋਇਆ। ਅਧਿਕਾਰੀਆਂ ਨੇ ਬੰਗਲੌਰ ਸ਼ਹਿਰ, ਮਾਂਡਿਆ, ਮੈਸੂਰ, ਚਾਮਰਾਜਨਗਰ, ਰਾਮਨਗਰ ਅਤੇ ਹਸਨ ਜ਼ਿਲ੍ਹਿਆਂ ਵਿੱਚ ਫੌਜ਼ਦਾਰੀ ਜ਼ਾਬਤਾ (ਸੀਆਰਪੀਸੀ) ਦੀ ਧਾਰਾ 144 ਦੇ ਤਹਿਤ ਮਨਾਹੀ ਦੇ ਹੁਕਮ ਲਾਗੂ ਕੀਤੇ ਹਨ। ਸਕੂਲਾਂ ਅਤੇ ਕਾਲਜਾਂ ਵਿੱਚ ਵੀ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ। 'ਕੰਨੜ ਓਕੂੱਟਾ' ਕੰਨੜ ਅਤੇ ਕਿਸਾਨ ਸੰਗਠਨਾਂ ਦੀ ਮੂਲ ਸੰਸਥਾ ਹੈ।