ਕਮਿਸ਼ਨਰੇਟ ਪੁਲੀਸ ਨੇ 154 ਚਲਾਨ ਕੱਟੇ

ਜਲੰਧਰ: ਕਮਿਸ਼ਨਰੇਟ ਪੁਲੀਸ ਨੇ ਸੜਕਾਂ ’ਤੇ ਸੁਰੱਖਿਆ ਦੇ ਮੱਦੇਨਜ਼ਰ ਥੋਕ ਵਿੱਚ ਚਲਾਨ ਕੱਟੇ। ਕਮਿਸ਼ਨਰੇਟ ਪੁਲੀਸ ਦੀ ਹਦੂਦ ਵਿੱਚ 154 ਚਲਾਨ ਕੱਟੇ ਗਏ ਜਦਕਿ 33 ਦੇ ਕਰੀਬ ਵਾਹਨ ਜ਼ਬਤ ਕੀਤੇ। ਪੁਲੀਸ ਨੇ ਬਾਜ਼ਾਰਾਂ, ਹੋਰ ਭੀੜ-ਭੜੱਕੇ ਵਾਲੀਆਂ ਥਾਵਾਂ ਅਤੇ ਸ਼ਾਪਿੰਗ ਮਾਲਾਂ ਵਿੱਚ ਵਿਸ਼ੇਸ਼ ਪੈਦਲ ਗਸ਼ਤ ਕੀਤੀ। ਟਰੈਫਿਕ ਨਿਯਮਾਂ ਦੀ ਪਾਲਣਾ ਲਈ ਕੁੱਲ 530 ਵਾਹਨਾਂ ਦੀ ਜਾਂਚ ਕੀਤੀ ਗਈ। ਪੁਲੀਸ ਨੇ ਮੋਟਰਸਾਈਕਲ ’ਤੇ ਟ੍ਰਿਪਲ ਰਾਈਡਿੰਗ ਕਰਨ ਵਾਲਿਆਂ ਨੂੰ ਦਬੋਚਿਆ। ਬੁਲੇਟ ਮੋਟਰਸਾਈਕਲਾਂ ਦੇ ਪਟਾਕੇ ਵਜਾਉਣ ’ਤੇ ਵੀ ਚਲਾਨ ਕੱਟੇ ਗਏ। ਕਾਰਾਂ ਦੇ ਸ਼ੀਸ਼ਿਆਂ ’ਤੇ ਫਿਲਮਾਂ ਲਗਾਉਣ ਵਾਲਿਆਂ ਦੇ ਚਲਾਨ ਵੀ ਕੱਟੇ ਗਏ। ਪੁਲੀਸ ਕਮਿਸ਼ਨਰ ਸਵਪਨ ਸ਼ਰਮਾ ਦੱਸਿਆ ਕਿ ਜਲੰਧਰ ਸ਼ਹਿਰ ਦੇ ਸਾਰੇ ਥਾਣਿਆਂ ਨੇ ਆਪੋ-ਆਪਣੇ ਏ.ਸੀ.ਪੀਜ਼ ਦੇ ਅਧੀਨ ਤਾਲਮੇਲ ਨਾਲ ਕੰਮ ਕੀਤਾ। -ਨਿੱਜੀ ਪੱਤਰ ਪ੍ਰੇਰਕ