ਕਾਮੇਡੀਅਨ ਨੀਲ ਨੰਦਾ ਦਾ 32 ਸਾਲ ਦੀ ਉਮਰ ਵਿੱਚ ਦੇਹਾਂਤ

ਲਾਸ ਏਂਜਲਸ: ‘ਜਿੰਮੀ ਕਿਮਲ ਲਾਈਵ’ ਅਤੇ ‘ਐਡਮ ਡਿਵਾਈਨਜ਼ ਹਾਊਸ ਪਾਰਟੀ’ ਤੋਂ ਮਸ਼ਹੂਰ ਭਾਰਤੀ ਮੂਲ ਦੇ ਕਾਮੇਡੀਅਨ ਨੀਲ ਨੰਦਾ (32) ਦਾ ਦੇਹਾਂਤ ਹੋ ਗਿਆ ਹੈ। ਨੰਦਾ ਦੇ ਲੰਬੇ ਸਮੇਂ ਤੋਂ ਮੈਨੇਜਰ ਗ੍ਰੇਗ ਵੇਇਸ ਨੇ ਮਨੋਰੰਜਨ ਵੈੱਬਸਾਈਟ ਵੈਰਾਇਟੀ ਨੂੰ ਇਸ ਖ਼ਬਰ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਉਹ ਇੱਕ ਵਧੀਆ ਕਮੇਡੀਅਨ ਅਤੇ ਵਧੀਆ ਮਨੁੱਖ’ ਸੀ। ਉਸ ਦੀ ਮੌਤ ਦਾ ਕੋਈ ਕਾਰਨ ਨਹੀਂ ਦੱਸਿਆ ਗਿਆ। ਕਾਮੇਡੀਅਨ ਨੇ ਹੁਣੇ-ਹੁਣੇ ਆਪਣਾ 32ਵਾਂ ਜਨਮ ਦਿਨ ਮਨਾਇਆ ਸੀ। ਕੈਨੇਡਾ ਦੇ ਜੋਕਰਜ਼ ਥੀਏਟਰ ਅਤੇ ਕਾਮੇਡੀ ਕਲੱਬ ਨੇ ਸੋਸ਼ਲ ਮੀਡੀਆ ’ਤੇ ਸ਼ੋਕ ਸੰਦੇਸ਼ ਸਾਂਝੇ ਕੀਤੇ। -ਪੀਟੀਆਈ