ਕਾਮੇਡੀ ਕਲਾਕਾਰ ਚਾਰਲੀ ਚੈਪਲਨਿ ਦੀ ਧੀ ਜੋਸੇਫਨਿ ਦਾ 74 ਸਾਲ ਦੀ ਉਮਰ ’ਚ ਦੇਹਾਂਤ

ਵਾਸ਼ਿੰਗਟਨ ਡੀਸੀ, 22 ਜੁਲਾਈ
ਦੁਨੀਆ ਭਰ ਵਿੱਚ ਵਿਲੱਖਣ ਕਾਮੇਡੀ ਕਲਾਕਾਰ ਚਾਰਲੀ ਚੈਪਲਨਿ ਦੀ ਧੀ ਅਤੇ ਅਦਾਕਾਰ ਜੋਸੇਫਨਿ ਚੈਪਲਨਿ ਦਾ 74 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਨ੍ਹਾਂ ਦੀ ਮੌਤ 13 ਜੁਲਾਈ ਨੂੰ ਪੈਰਿਸ ਵਿੱਚ ਹੋਈ। 28 ਮਾਰਚ 1949 ਨੂੰ ਸੈਂਟਾ ਮੋਨਿਕਾ ਕੈਲੀਫੋਰਨੀਆ ਵਿੱਚ ਪੈਦਾ ਹੋਈ, ਜੋਸਫਨਿ ਚੈਪਲਨਿ ਚਾਰਲੀ ਚੈਪਲਨਿ ਅਤੇ ਓਨਾ ਓ'ਨੀਲ ਦੇ ਜਨਮੇ ਅੱਠ ਬੱਚਿਆਂ ਵਿੱਚੋਂ ਤੀਜੇ ਨੰਬਰ ’ਤੇ ਸੀ। ਉਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਛੋਟੀ ਉਮਰ ਵਿੱਚ ਆਪਣੇ ਪਿਤਾ ਦੀ 1952 ਦੀ ਫਿਲਮ 'ਲਾਈਮਲਾਈਟ' ਤੋਂ ਕੀਤੀ ਸੀ। ਉਸ ਦੇ ਪਰਿਵਾਰ ਵਿੱਚ ਤਿੰਨ ਪੁੱਤਰ ਚਾਰਲੀ, ਆਰਥਰ ਅਤੇ ਜੂਲੀਅਨ ਰੋਨੇਟ ਹਨ।