ਸਾਈਬਰ-ਸਕੁਏਅਰ ਟੈੱਕ ਫੈਸਟੀਵਲ ਵਿੱਚ ਸੀਬਾ ਸਕੂਲ ਮੋਹਰੀ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 10 ਦਸੰਬਰ
ਇੱਥੇ ਜਗਰਾਉਂ ਵਿੱਚ ਹੋਏ ਰਾਜ ਪੱਧਰੀ ਸਾਈਬਰ-ਸਕੁਏਅਰ ਟੈੱਕ ਫੈਸਟੀਵਲ- 2024 ਵਿੱਚ ਸੀਬਾ ਇੰਟਰਨੈਸ਼ਨਲ ਪਬਲਿਕ ਸਕੂਲ ਦੀ ਦਮਨਪ੍ਰੀਤ ਕੌਰ (ਜਵਾਹਰਵਾਲਾ) ਅਤੇ ਆਲੀਆ (ਸੁਨਾਮ) ਦੀ ਟੀਮ ਨੇ ਰੋਬੋਟਿਕਸ ਅਤੇ ਅਰਸ਼ਦੀਪ ਕੌਰ (ਛਾਜਲੀ) ਅਤੇ ਧਨਵੀਰ ਸ਼ਰਮਾ (ਗੋਬਿੰਦਗੜ੍ਹ) ਦੀ ਟੀਮ ਨੇ ਵੈੱਬ ਵਿੱਚੋਂ ਦੂਜਾ ਸਥਾਨ ਪ੍ਰਾਪਤ ਕਰ ਕੇ 6,000 ਰੁਪਏ ਦਾ ਨਕਦ ਇਨਾਮ ਵੀ ਜਿੱਤਿਆ। ਇਹ ਵਿਦਿਆਰਥੀ ਕੌਮੀ ਪੱਧਰੀ ਟੈੱਕ ਫੈਸਟੀਵਲ ਲਈ ਵੀ ਚੁਣੇ ਗਏ। ਮੈਡਮ ਮਨਜੀਤ ਕੌਰ ਅਤੇ ਯੁਵਾਸ਼ੂ ਗੋਇਲ ਦੀ ਸਿਖਲਾਈ ਹੇਠ ਇਨ੍ਹਾਂ ਵਿੱਚੋਂ ਜੈਸਮੀਨ ਕੌਰ (ਡਸਕਾ) ਨੈ ਟੈੱਕ-ਟਾਕ ਅਤੇ ਗੁਰਹਰਮਨ ਸਿੰਘ (ਗੋਵਿੰਦਗੜ੍ਹ) ਅਤੇ ਤਰਨਵੀਰ ਸਿੰਘ (ਹਰਿਆਊ) ਨੇ ਰੋਬੋਟਿਕਸ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮੁਕਾਬਲੇ ਵਿੱਚ ਪੰਜਾਬ ਭਰ ਦੀਆਂ ਚੁਣੀਆਂ ਹੋਈਆਂ 15 ਸੰਸਥਾਵਾਂ ਦੇ 120 ਵਿਦਿਆਰਥੀਆਂ ਨੇ ਭਾਗ ਲਿਆ। ਵਿਦਿਆਰਥੀਆਂ ਦੀ ਇਸ ਮਾਣਮੱਤੀ ਪ੍ਰਾਪਤੀ ਉਨ੍ਹਾਂ ਸਕੂਲ ਪ੍ਰਬੰਧਕ ਕੰਵਲਜੀਤ ਸਿੰਘ ਢੀਂਡਸਾ ਨੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਸਮੇਂ ਦਾ ਹਾਣ ਦਾ ਬਣਨ ਲਈ ਨਵੀਂ ਪੀੜ੍ਹੀ ਨੂੰ ਵਿਗਿਆਨਕ ਅਤੇ ਟੈਕਨੀਕਲ ਤੌਰ ’ਤੇ ਉੱਨਤ ਹੋਣਾ ਪਵੇਗਾ। ਇਸ ਮੌਕੇ ਮੈਡਮ ਅਮਨ ਢੀਂਡਸਾ, ਪ੍ਰਿੰਸੀਪਲ ਸੁਨੀਤਾ ਨੰਦਾ, ਹਰਵਿੰਦਰ ਸਿੰਘ ਅਤੇ ਕਮਲ ਸਿੱਧੂ ਨੇ ਬੱਚਿਆਂ ਨੂੰ ਮੁਬਾਰਕਬਾਦ ਦਿੱਤੀ।