ਚੀਨ ਨੇ ਜਨਮ ਦਰ ਵਧਾਉਣ ਲਈ ਨਵੇਂ ਉਪਰਾਲੇ ਐਲਾਨੇ

ਪੇਈਚਿੰਗ:

ਚੀਨ ਨੇ ਡਿੱਗਦੀ ਜਨਮ ਦਰ ਨਾਲ ਨਜਿੱਠਣ ਲਈ ਜੋੜਿਆਂ ਨੂੰ ਵਧੇਰੇ ਬੱਚੇ ਪੈਦਾ ਕਰਨ ਵਾਸਤੇ ਪ੍ਰੇਰਨ ਦੇ ਇਰਾਦੇ ਨਾਲ ਚਾਈਲਡਬਰਥ ਸਬਸਿਡੀ ਪ੍ਰਬੰਧ ਤੇ ਮਾਪਿਆਂ ਲਈ ਟੈਕਸ ਵਿਚ ਕਟੌਤੀ ਜਿਹੇ ਨਵੇਂ ਉਪਰਾਲਿਆਂ ਦਾ ਐਲਾਨ ਕੀਤਾ ਹੈ। ਕੇਂਦਰੀ ਕੈਬਨਿਟ ਜਾਂ ਸਟੇਟ ਕੌਂਸਲ ਵੱਲੋਂ ਜਾਰੀ ਹਦਾਇਤਾਂ ’ਚ 13 ਉਪਰਾਲਿਆਂ ਦਾ ਖਰੜਾ ਤਿਆਰ ਕੀਤਾ ਗਿਆ ਹੈ, ਜਿਸ ਨਾਲ ਚਾਈਲਡਬਰਥ ਸਪੋਰਟ ਸੇਵਾਵਾਂ; ਸੰਭਾਲ ਪ੍ਰਬੰਧ ਦਾ ਘੇਰਾ ਵਧਾਉਣ ਤੇ ਰੁਜ਼ਗਾਰ ਜਿਹੇ ਖੇਤਰ ਮਜ਼ਬੂਤ ਕਰਨ ’ਚ ਮਦਦ ਮਿਲੇਗੀ। -ਪੀਟੀਆਈ