ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਬਿਹਾਰ ਵਿਧਾਨ ਪਰਿਸ਼ਦ ਲਈ ਚੋਣ

ਪਟਨਾ, 14 ਮਾਰਚ
ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੂੰ ਅੱਜ ਲਗਾਤਾਰ ਚੌਥੀ ਵਾਰ ਰਾਜ ਵਿਧਾਨ ਪਰਿਸ਼ਦ ਲਈ ਨਿਰਵਿਰੋਧ ਚੁਣਿਆ ਗਿਆ ਹੈ। ਕੁਮਾਰ ਸਣੇ ਵੱਖ-ਵੱਖ ਪਾਰਟੀਆਂ ਦੇ 10 ਉਮੀਦਵਾਰਾਂ ਨੂੰ ਵੀ ਬਿਨਾਂ ਮੁਕਾਬਲੇ ਚੁਣਿਆ ਗਿਆ। ਨਿਤੀਸ਼ ਕੁਮਾਰ ਆਪਣੇ ਨਜ਼ਦੀਕੀ ਸਹਿਯੋਗੀ ਰਾਜੀਵ ਰੰਜਨ ਸਿੰਘ ‘ਲਲਨ’ ਦੇ ਨਾਲ ਵਿਧਾਨ ਸਭਾ ਸਕੱਤਰੇਤ ’ਚ ਆਪਣਾ ਸਰਟੀਫਿਕੇਟ ਲੈਣ ਪਹੁੰਚੇ। ਉਨ੍ਹਾਂ ਦੇ ਨਾਲ ਜੇਡੀ (ਯੂ) ਪ੍ਰਧਾਨ ਤੇ ਉਪ ਮੁੱਖ ਮੰਤਰੀ ਸਮਰਾਟ ਚੌਧਰੀ ਅਤੇ ਵਿਜੈ ਕੁਮਾਰ ਸਿਨਹਾ ਵੀ ਮੌਜੂਦ ਸਨ। ਉੱਚ ਸਦਨ ਵਿੱਚ ਸਾਬਕਾ ਮੁੱਖ ਮੰਤਰੀ ਰਾਬੜੀ ਦੇਵੀ (ਆਰਜੇਡੀ), ਰਾਜ ਮੰਤਰੀ ਸੰਤੋਸ਼ ਸੁਮਨ (ਐੱਚਏਐੱਮ) ਅਤੇ ਸਾਬਕਾ ਮੰਤਰੀ ਮੰਗਲ ਪਾਂਡੇ (ਭਾਜਪਾ) ਵੀ ਸ਼ਾਮਲ ਹਨ। -ਪੀਟੀਆਈ