ਛੱਤੀਸਗੜ੍ਹ ਚੋਣਾਂ: ਕਾਂਗਰਸ ਵੱਲੋਂ 53 ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ

ਨਵੀਂ ਦਿੱਲੀ, 18 ਅਕਤੂਬਰ

ਕਾਂਗਰਸ ਨੇ ਅੱਜ ਛੱਤੀਸਗੜ੍ਹ ਵਿਧਾਨ ਸਭਾ ਚੋਣਾਂ ਲਈ 53 ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕਰ ਦਿੱਤੀ। ਪਾਰਟੀ ਨੇ ਸੀਨੀਅਰ ਆਗੂ ਮੋਤੀਲਾਲ ਵੋਰਾ ਦੇ ਪੁੱਤਰ ਅਰੁਣ ਵੋਰਾ ਨੂੰ ਦੁਰਗ ਸ਼ਹਿਰ ਤੋਂ ਉਮੀਦਵਾਰ ਬਣਾਇਆ ਹੈ। ਜ਼ਿਕਰਯੋਗ ਹੈ ਕਿ ਮੋਤੀਲਾਲ ਵੋਰਾ ਸੰਯੁਕਤ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਰਹਿ ਚੁੱਕੇ ਹਨ। ਕਾਂਗਰਸ ਕੁੱਲ 90 ਸੀਟਾਂ ਵਿਚੋਂ ਹੁਣ ਤੱਕ 83 ਉਮੀਦਵਾਰਾਂ ਦਾ ਐਲਾਨ ਕਰ ਚੁੱਕੀ ਹੈ।  ਰਾਜ ਵਿਚ ਚੋਣਾਂ ਦੋ ਗੇੜਾਂ ਵਿਚ 7 ਤੇ 17 ਨਵੰਬਰ ਨੂੰ ਹੋਣਗੀਆਂ। -ਪੀਟੀਆਈ