ਐੱਸਐੱਨਏਐੱਸ ਆਰੀਆ ਸਕੂਲ ਵੱਲੋਂ 100 ਸਾਲ ਪੂਰੇ ਹੋਣ ’ਤੇ ਸਮਾਗਮ

ਮੰਡੀ ਗੋਬਿੰਦਗੜ੍ਹ: ਐੱਸਐੱਨਏਐੱਸ ਆਰੀਆ ਸਕੂਲ ਮੰਡੀ ਗੋਬਿੰਦਗੜ੍ਹ ਨੇ 100 ਸਾਲ ਪੂਰੇ ਹੋਣ ’ਤੇ ਸਮਾਗਮ ‘ਤਰੰਗ 2024’ ਕਰਵਾਇਆ ਗਿਆ। ਪ੍ਰਿੰਸੀਪਲ ਹਿੰਮਤ ਸਿੰਘ ਹੁੰਦਲ ਅਤੇ ਮਾਡਲ ਸਕੂਲ ਪ੍ਰਿੰਸੀਪਲ ਮੋਹਿਨੀ ਭਾਰਦਵਾਜ, ਵਰਿੰਦਰ ਵੜੈਚ, ਮੋਨਿਕਾ ਲਖਨਪਾਲ, ਰਮਾ ਸ਼ਰਮਾ ਨੇ ਮੁੱਖ-ਮਹਿਮਾਨ ਪ੍ਰਧਾਨ ਗੋਪਾਲ ਸਿੰਗਲਾ, ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਰਾਜੀਵ ਕੁਮਾਰ ਬਾਂਸਲ, ਸਕੱਤਰ ਐਡਵੋਕੇਟ ਰਜਨੀਸ਼ ਬੱਸੀ, ਕੈਸ਼ੀਅਰ ਗੌਰਵ ਗੋਇਲ, ਮੈਨੇਜਰ ਅਜੇ ਅਗਰਵਾਲ, ਮੈਂਬਰ ਹਰਸ਼ ਬਾਂਸਲ ਅਤੇ ਪੁਨੀਤ ਗੋਇਲ ਦਾ ਸਵਾਗਤ ਕੀਤਾ। ਮੈਨੇਜਮੈਂਟ ਕਮੇਟੀ ਦੇ ਸਕੱਤਰ ਐਡਵੋਕੇਟ ਰਜਨੀਸ਼ ਬੱਸੀ ਨੇ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਪ੍ਰਿੰਸੀਪਲ ਹਿੰਮਤ ਸਿੰਘ ਹੁੰਦਲ ਨੇ ਸਕੂਲ ਦੀਆਂ ਪ੍ਰਾਪਤੀਆਂ ਦੀ ਰਿਪੋਰਟ ਪੇਸ਼ ਕੀਤੀ। ਚੇਅਰਮੈਨ ਗੋਪਾਲ ਸਿੰਗਲਾ ਨੇ ਸਕੂਲ ਦੇ ਸਾਰੇ ਪੁਰਾਣੇ ਪ੍ਰਿੰਸੀਪਲਜ਼, ਅਧਿਆਪਕ, ਪ੍ਰਬੰਧਕ ਕਮੇਟੀਆਂ ਅਤੇ ਦਾਨੀ ਸੱਜਣਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਦੇ ਹੋਣਹਾਰ ਵਿਦਿਆਰਥੀਆਂ ਨੂੰ ਸਨਮਾਨਿਆ ਗਿਆ। -ਨਿੱਜੀ ਪੱਤਰ ਪ੍ਰੇਰਕ