ਨਕਦੀ ਅਤੇ ਮੋਬਾਈਲ ਖੋਹਿਆ

ਲੁਧਿਆਣਾ: ਥਾਣਾ ਮੋਤੀ ਨਗਰ ਦੇ ਇਲਾਕੇ ਟਰਾਂਸਪੋਰਟ ਨਗਰ ਕੱਟ ਪੁੱਲ ਦੇ ਉਪਰ ਅਣਪਛਾਤੇ ਵਿਅਕਤੀ ਇੱਕ ਮੋਟਰਸਾਈਕਲ ਸਵਾਰ ਦੀ ਕੁੱਟਮਾਰ ਕਰ ਕੇ ਉਸਦਾ ਨਕਦੀ ਵਾਲਾ ਪਰਸ ਅਤੇ ਮੋਬਾਈਲ ਖੋਹਕੇ ਲੈ ਗਏ ਹਨ। ਇਸ ਸਬੰਧੀ ਗੁਰਪਾਲ ਨਗਰ ਡਾਬਾ ਰੋਡ ਵਾਸੀ ਵਿਸ਼ਾਲ ਜੈਨ ਨੇ ਦੱਸਿਆ ਕਿ ਉਹ ਡੀਕੋਨ ਲਾਈਟਸ ਸਿੰਗਲਾ ਟਰੇਡਿੰਗ ਕੰਪਨੀ 100 ਫੁੱਟਾ ਰੋਡ ’ਤੇ ਬਤੌਰ ਸੇਲਸਮੈਨ ਦੀ ਨੌਕਰੀ ਕਰਦਾ ਹੈ। ਉਹ ਆਪਣੇ ਮੋਟਰਸਾਈਕਲ ’ਤੇ ਡਿਊਟੀ ਤੋਂ ਘਰ ਆ ਰਿਹਾ ਸੀ ਤੇ ਸਮਰਾਲਾ ਚੌਕ ਪਾਰ ਕਰ ਕੇ ਟਰਾਂਸਪੋਰਟ ਨਗਰ ਕੱਟ ਪੁਲ ਉੱਪਰੋਂ ਲੰਘ ਰਿਹਾ ਸੀ ਕਿ ਪਿੱਛੋਂ ਦੋ ਮੋਟਰਸਾਈਕਲਾਂ ’ਤੇ 6 ਲੜਕੇ ਆਏ, ਜਿਨ੍ਹਾਂ ਨੇ ਉਸਨੂੰ ਘੇਰ ਕੇ ਕੁੱਟਮਾਰ ਕੀਤੀ ਅਤੇ ਉਸ ਪਾਸੋਂ ਪਰਸ ਤੋਂ ਇਲਾਵਾ ਉਸਦਾ ਮੋਬਾਈਲ ਅਤੇ ਕੁਲੈਕਸ਼ਨ ਦੇ 50 ਹਜ਼ਾਰ ਰੁਪਏ ਖੋਹਕੇ ਲੈ ਗਏ ਜਿਸ ਵਿੱਚ 12 ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਹੋਰ ਜ਼ਰੂਰੀ ਕਾਗਜ਼ਾਤ ਸਨ। ਥਾਣੇਦਾਰ ਸਾਹਿਬ ਕੁਮਾਰ ਨੇ ਦੱਸਿਆ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰ ਕੇ ਕਾਰਵਾਈ ਕੀਤੀ ਜਾ ਰਹੀ ਹੈ। -ਨਿੱਜੀ ਪੱਤਰ ਪ੍ਰੇਰਕ