ਲੱਡੂ ਪ੍ਰਸਾਦ ਮਾਮਲੇ ਵਿੱਚ ਸੱਤ ਖ਼ਿਲਾਫ਼ ਕੇਸ ਦਰਜ

ਅਹਿਮਦਾਬਾਦ: ਤਿਰੂਪਤੀ ਮੰਦਰ ਵਿੱਚ ਲੱਡੂ ਬਣਾਉਣ ਵਿੱਚ ਵਰਤੇ ਜਾਣ ਵਾਲੇ ‘ਖ਼ਰਾਬ ਗੁਣਵੱਤਾ ਦੇ ਘਿਓ’ ਦੇ ‘ਅਮੂਲ’ ਬਰਾਂਡ ਦਾ ਹੋਣ ਸਬੰਧੀ ‘ਗਲਤ ਸੂਚਨਾ’ ਫੈਲਾਉਣ ਦੇ ਦੋਸ਼ ਹੇਠ ਗੁਜਰਾਤ ਪੁਲੀਸ ਨੇ ਅੱਜ ਸੱਤ ਜਣਿਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਆਨੰਦ ਸਥਿਤ ਗੁਜਰਾਤ ਸਹਿਕਾਰੀ ਦੁੱਧ ਵੰਡ ਫੈਡਰੇਸ਼ਨ (ਜੀਸੀਐੱਮਐੱਮਐੱਫ) ਨੇ ਮੰਦਰ ਦਾ ਪ੍ਰਬੰਧ ਸੰਭਾਲਣ ਵਾਲੇ ਤਿਰੂਮਾਲਾ ਤਿਰੂਪਤੀ ਦੇਵਸਥਾਨ (ਟੀਟੀਡੀ) ਨੂੰ ਘਿਓ ਦੀ ਸਪਲਾਈ ਕੀਤੇ ਜਾਣ ਤੋਂ ਇਨਕਾਰ ਕੀਤਾ ਹੈ। ਕੇਂਦਰੀ ਖੁਰਾਕ ਤੇ ਖਪਤਕਾਰ ਮਾਮਲਿਆਂ ਬਾਰੇ ਮੰਤਰੀ ਪ੍ਰਹਲਾਦ ਜੋਸ਼ੀ ਨੇ ਕਿਹਾ ਕਿ ਇਸ ਮਾਮਲੇ ਨੂੰ ਤਰਕਪੂਰਨ ਅੰਜਾਮ ਤੱਕ ਪਹੁੰਚਾਇਆ ਜਾਵੇਗਾ। ਇਸ ਦੌਰਾਨ ਕਰਨਾਟਕ ਸਰਕਾਰ ਨੇ ਨੋਟੀਫਿਕੇਸ਼ਨ ਜਾਰੀ ਕਰ ਕੇ ਮੰਦਰਾਂ ਵਿੱਚ ‘ਨੰਦਿਨੀ’ ਘਿਓ ਵਰਤਣ ਦੇ ਨਿਰਦੇਸ਼ ਦਿੱਤੇ ਹਨ। -ਪੀਟੀਆਈ