ਧੋਖਾਧੜੀ ਦੇ ਦੋਸ਼ ਹੇਠ ਪੰਜ ਖ਼ਿਲਾਫ਼ ਕੇਸ ਦਰਜ

ਟੋਹਾਣਾ (ਪੱਤਰ ਪ੍ਰੇਰਕ) : ਜਾਖਲ ਪੁਲੀਸ ਨੇ ਪਿੰਡ ਮਾਮੂਪੁਰ ਦੀ ਸ਼ਾਹ ਰੌਸ਼ਨੀ ਦੀ ਸ਼ਿਕਾਇਤ ’ਤੇ ਪਿੰਡ ਮਿਉਂਦ ਦੇ ਜਗਤਾਰ ਸਿੰਘ ਨੂੰ ਰੇਲਵੇ ਵਿੱਚ ਪੱਕੀ ਨੌਕਰੀ ਦਿਵਾਉਣ ਦੇ ਨਾਂ ਹੇਠ 28 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਹੈ। ਪੁਲੀਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸ਼ਿਕਾਇਤਕਰਤਾ ਮੁਤਾਬਕ ਉਸਨੇ 7 ਨਵੰਬਰ ਨੂੰ ਜਾਖਲ ਥਾਣੇ ਪੈਸੇ ਦੇਣ ਦੇ ਸਬੂਤਾਂ ਸਮੇਤ ਕਾਗਜ਼ ਸੌਂਪੇ ਸਨ। ਪੁਲੀਸ ਨੂੰ ਦੱਸਿਆ ਸੀ ਕਿ ਜਗਤਾਰ ਸਿੰਘ ਨੇ ਉਸਨੂੰ ਰੇਲਵੇ ਵਿੱਚ ਨੌਕਰੀ ਦੇਣ ਦਾ ਯਕੀਨ ਦਿਵਾਇਆ ਸੀ। ਐੱਸਐੱਚਓ ਜਾਖਲ ਜਸਵੰਤ ਸਿੰਘ ਨੇ ਦੱਸਿਆ ਕਿ ਮੁੱਢਲੀ ਜਾਂਚ ਦੇ ਅਧਾਰ ’ਤੇ ਲੜਕੀ ਦੇ ਬਿਆਨਾਂ ਮੁਤਾਬਕ ਜਾਖਲ ਪੁਲੀਸ ਨੇ ਮਦਨ ਲਾਲ, ਜਗਤਾਰ ਸਿੰਘ, ਵਿਕਰਾਂਤ, ਪ੍ਰਵੀਨ ਚੌਹਾਨ ਤੇ ਪੂਨਮ ਰੰਗਾ ਖ਼ਿਲਾਫ਼ ਧੋਖਾਧੜੀ ਦਾ ਮਾਮਲਾ ਦਰਜ ਕਰਕੇ ਜਗਤਾਰ ਸਿੰਘ ਵਾਸੀ ਮਿਉਂਦ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।