'ਮੋਰ ਦੀ ਕਰੀ' ਵਿਅੰਜਨ ਦੀ ਵਿਸ਼ੇਸ਼ਤਾ ਵਾਲੀ ਵੀਡੀਓ ਬਣਾਉਣ ਲਈ ਯੂਟਿਊਬਰ 'ਤੇ ਮਾਮਲਾ ਦਰਜ

ਹੈਦਰਾਬਾਦ, 12 ਅਗਸਤ

ਇਥੋਂ ਦੇ ਰਾਜਨਾ ਸਿਰਿਸਲਾ ਜ਼ਿਲ੍ਹੇ ਵਿਚ ਪੁਲੀਸ ਨੇ ਇਕ ਯੂਟਿਊਬਰ ’ਤੇ ‘ਮੋਰ ਦੀ ਕਰੀ’ ਦੀ ਰੈਸੇਪੀ ਦੱਸਣ ਲਈ ਕੇਸ ਦਰਜ ਕੀਤਾ ਹੈ। ਜ਼ਿਲ੍ਹੇ ਦੇ ਜੰਗਲਾਤ ਅਧਿਕਾਰੀ ਨੇ ਸ਼ੁਰੂਆਤੀ ਜਾਂਚ ਦੇ ਆਧਾਰ 'ਤੇ ਕਿਹਾ ਕਿ ਯੂਟਿਊਬਰ ਨੇ ਜ਼ਾਹਿਰ ਤੌਰ 'ਤੇ ਆਪਣੇ ਚੈਨਲ ਲਈ ਹੋਰ ਵਿਊਜ਼ ਹਾਸਲ ਕਰਨ ਲਈ ਇਹ ਵੀਡੀਓ ਬਣਾਈ ਹੈ। ਉਨ੍ਹਾਂ ਦੱਸਿਆ ਕਿ ਮੋਰ ਦੀ ਕਰੀ ਪਕਾਉਣ ਦੇ ਤਰੀਕਿਆਂ ਬਾਰੇ ਇਕ ਚੈਨਲ 'ਤੇ ਵੀਡੀਓ ਪੋਸਟ ਕੀਤੇ ਜਾਣ ਦੀ ਸੂਚਨਾ ਮਿਲਣ ਤੋਂ ਬਾਅਦ ਜੰਗਲਾਤ ਅਧਿਕਾਰੀਆਂ ਦੀ ਟੀਮ ਤੰਗਲਾਪੱਲੀ ਪਿੰਡ ਪਹੁੰਚੀ ਅਤੇ ਉਸ ਵਿਅਕਤੀ ਦੇ ਘਰੋਂ ਚਿਕਨ ਕਰੀ ਬਰਾਮਦ ਕੀਤੀ।

ਹਾਲਾਂਕਿ ਕਰੀ ਦੇ ਨਮੂਨੇ ਨੂੰ ਫੋਰੈਂਸਿਕ ਵਿਸ਼ਲੇਸ਼ਣ ਲਈ ਲੈਬ ਭੇਜ ਦਿੱਤਾ ਗਿਆ ਹੈ ਅਤੇ ਜਾਂਚ ਜਾਰੀ ਹੈ। ਪੁਲੀਸ ਵੱਲੋਂ ਮਾਮਲਾ ਦਰਜ ਕਰਨ ਤੋਂ ਬਾਅਦ ਜਾਨਵਰਾਂ ਦੇ ਅਧਿਕਾਰ ਕਾਰਕੁਨਾਂ ਵੱਲੋਂ ਇਹ ਮੁੱਦਾ ਉਠਾਉਣ ’ਤੇ ਇਸ ਵੀਡੀਓ ਨੂੰ ਵੀ ਸੋਸ਼ਲ ਮੀਡੀਆ ਤੋਂ ਹਟਾ ਦਿੱਤਾ ਗਿਆ। -ਪੀਟੀਆਈ