ਘਰ ਬਾਹਰੋਂ ਕਾਰ ਚੋਰੀ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 1 ਅਗਸਤ
ਥਾਣਾ ਦਰੇਸੀ ਦੇ ਇਲਾਕੇ ਸਰਦਾਰ ਨਗਰ ਵਿੱਚ ਇੱਕ ਘਰ ਦੇ ਬਾਹਰ ਖੜ੍ਹੀ ਇੱਕ ਕਾਰ ਕੋਈ ਚੋਰੀ ਕਰਕੇ ਲੈ ਗਏ ਗਿਆ। ਇਸ ਸਬੰਧੀ ਗਲੀ ਨੰਬਰ 2 ਬਸਤੀ ਗੁੱਜਰਾਂ ਬਾਲ ਸਿੰਘ ਨਗਰ ਵਾਸੀ ਵਿਪਨ ਡੰਗ ਨੇ ਦੱਸਿਆ ਹੈ ਕਿ ਉਸ ਨੇ ਆਪਣੀ ਕਾਰ ਈਕੋ ਮਾਰੂਤੀ ਆਪਣੇ ਜੀਜੇ ਦੇ ਘਰ ਗਲੀ ਨੰਬਰ 1/5 ਸਰਦਾਰ ਨਗਰ ਦੇ ਬਾਹਰ ਲਾਕ ਕਰਕੇ ਖੜ੍ਹੀ ਕੀਤੀ ਸੀ। ਉਹ ਕਾਰ ਨੂੰ ਪੂਰੀ ਤਰ੍ਹਾਂ ਲਾਕ ਕਰਕੇ ਘਰ ਅੰਦਰ ਦਾਖ਼ਲ ਹੋਗ ਗਿਆ। ਮਗਰੋਂ ਜਦੋਂ ਉਹ ਬਾਹਰ ਆਇਆ ਤਾਂ ਦੇਖਿਆ ਤਾਂ ਕਾਰ ਗਾਇਬ ਸੀ। ਸਬੰਧਤ ਥਾਂ ’ਤੇ ਕਾਰ ਨਾ ਖੜ੍ਹੀ ਹੋਣ ਕਾਰਨ ਉਸ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ। ਉਸ ਨੇ ਇੱਧਰ-ਉੱਧਰ ਕਾਫ਼ੀ ਭਾਲ ਕੀਤੀ ਪਰ ਕਿਧਰੋਂ ਵੀ ਕਾਰ ਨਾਲ ਮਿਲੀ। ਉਸ ਨੇ ਇਸ ਸਬੰਧੀ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ। ਸਬ ਇੰਸਪੈਕਟਰ ਸੁਖਦੇਵ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।