ਕੰਬਾਈਨ ਤੇ ਕਾਰ ਦੀ ਟੱਕਰ; ਦੋ ਹਲਾਕ, ਇੱਕ ਜ਼ਖ਼ਮੀ
08:08 AM Apr 23, 2024 IST
Advertisement
ਪੱਤਰ ਪ੍ਰੇਰਕ
ਜਲੰਧਰ, 22 ਅਪਰੈਲ
ਇੱਥੇ ਰਾਮਾਂ ਮੰਡੀ ਨੇੜੇ ਨੈਸ਼ਨਲ ਹਾਈਵੇਅ ’ਤੇ ਕੰਬਾਈਨ ਹਾਰਵੈਸਟਰ ਅਤੇ ਬੋਲੇਨੋ ਕਾਰ (ਨੰਬਰ ਪੀਬੀ 08 ਈਟੀ 2623) ਦੀ ਟੱਕਰ ਹੋਣ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ ਜਦਕਿ ਇੱਕ ਜ਼ਖ਼ਮੀ ਹੋ ਗਿਆ। ਮ੍ਰਿਤਕਾਂ ਦੀ ਪਛਾਣ ਗੁਰਪ੍ਰੀਤ ਸਿੰਘ ਵਾਸੀ ਭੋਗਪੁਰ ਤੇ ਕਪਿਲ ਕੁਮਾਰ ਗੁਪਤਾ ਵਾਸੀ ਕਿਸ਼ਨਪੁਰਾ ਜਲੰਧਰ ਵਜੋਂ ਹੋਈ ਹੈ। ਜਦੋਂ ਕਿ ਪਰਦੀਪ ਕੁਮਾਰ ਵਾਸੀ ਜਲੰਧਰ ਜ਼ੇਰੇ ਇਲਾਜ ਹੈ। ਟੱਕਰ ਇੰਨੀ ਭਿਆਨਕ ਸੀ ਕਿ ਕਾਰ ਦਾ ਅਗਲਾ ਹਿੱਸਾ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਪੁਲੀਸ ਮੁਤਾਬਕ ਕਾਰ ਨੇ ਓਵਰਟੇਕ ਦੀ ਕੋਸ਼ਿਸ਼ ਕਰਦਿਆਂ ਪਹਿਲਾਂ ਨੈਸ਼ਨਲ ਹਾਈਵੇਅ ’ਤੇ ਟਰੱਕ ਨੂੰ ਟੱਕਰ ਮਾਰ ਦਿੱਤੀ ਫੇਰ ਅੱਗੇ ਜਾ ਰਹੀ ਕੰਬਾਈਨ ਹਾਰਵੈਸਟਰ ਨਾਲ ਟਕਰਾ ਗਈ। ਪੁਲੀਸ ਨੇ ਟਰੱਕ ਡਰਾਈਵਰ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ, ਜਿਸ ਦੀ ਪਛਾਣ ਹੋਣੀ ਬਾਕੀ ਹੈ।
Advertisement
Advertisement