ਰੈਜ਼ੀਡੈਂਟ ਡਾਕਟਰਾਂ ਵੱਲੋਂ ਮੋਮਬੱਤੀ ਮਾਰਚ

ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 5 ਸਤੰਬਰ
ਇੱਥੇ ਏਮਜ਼, ਸਫਦਰਜੰਗ ਅਤੇ ਜੀਟੀਬੀ ਹਸਪਤਾਲ ਸਣੇ ਪ੍ਰਮੁੱਖ ਹਸਪਤਾਲਾਂ ਦੇ ਰੈਜ਼ੀਡੈਂਟ ਡਾਕਟਰਾਂ ਨੇ ਰਾਤ ਨੂੰ ਇੱਥੇ ਮੋਮਬੱਤੀ ਮਾਰਚ ਕੱਢਿਆ। ਇਸ ਮੌਕੇ ਉਨ੍ਹਾਂ ਆਪਣੇ ਸਾਥੀ ਸਿਹਤ ਸੰਭਾਲ ਪੇਸ਼ੇਵਰਾਂ ਨਾਲ ਇਨਸਾਫ਼ ਅਤੇ ਏਕਤਾ ਦੀ ਮੰਗ ਨੂੰ ਤੇਜ਼ ਕੀਤਾ। ਇਸ ਦੌਰਾਨ ਮੈਡੀਕਲ ਸਟਾਫ਼ ਨੂੰ ਦਰਪੇਸ਼ ਚੱਲ ਰਹੇ ਮੁੱਦਿਆਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਅਤੇ ਕੋਲਕਾਤਾ ਦੇ ਮੈਡੀਕਲ ਕਾਲਜ ਅਤੇ ਹਸਪਤਾਲ ਵਿੱਚ ਪਿਛਲੇ ਮਹੀਨੇ ਬਲਾਤਕਾਰ ਅਤੇ ਕਤਲ ਸਿਖਿਆਰਥੀ ਡਾਕਟਰ ਲਈ ਇਨਸਾਫ਼ ਦੀ ਮੰਗ ਕਰਨ ਲਈ ਇਨ੍ਹਾਂ ਹਸਪਤਾਲਾਂ ਦੇ ਅਹਾਤੇ ਵਿੱਚ ਮਾਰਚ ਕੀਤਾ ਗਿਆ ਸੀ। ਏਮਜ਼ ਰੈਜ਼ੀਡੈਂਟ ਡਾਕਟਰਜ਼ ਐਸੋਸੀਏਸ਼ਨ ਦੇ ਬੁਲਾਰੇ ਨੇ ਦੱਸਿਆ ਕਿ ਮੋਮਬੱਤੀ ਮਾਰਚ, ਜਿੱਥੇ ਸਾਰੇ ਆਰਡੀਏ ਮੈਂਬਰਾਂ, ਫੈਕਲਟੀ ਮੈਂਬਰਾਂ ਅਤੇ ਨਰਸਿੰਗ ਸਟਾਫ਼ ਨੇ ਏਮਜ਼ ਵਿੱਚ ਮੌਨ ਪ੍ਰਦਰਸ਼ਨ ਵਿੱਚ ਹਿੱਸਾ ਲਿਆ, ਇਨਸਾਫ਼ ਦੀ ਸਮੂਹਿਕ ਮੰਗ ਨੂੰ ਦਰਸਾਉਂਦੇ ਹੋਏ ਅੰਦੋਲਨ ਕੀਤਾ । ਰੈਜ਼ੀਡੈਂਟ ਡਾਕਟਰਾਂ ਨੇ ਰਾਤ 9 ਤੋਂ ਰਾਤ 10 ਵਜੇ ਤੱਕ ਮੋਮਬੱਤੀ ਮਾਰਚ ਕੀਤਾ। ਇਸ ਦੌਰਾਨ ਸਮੂਹ ਰੈਜ਼ੀਡੈਂਟ ਡਾਕਟਰਾਂ ਨੇ ਸ਼ਿਰਕਤ ਕੀਤੀ, ਪੋਸਟਰ ਫੜ ਕੇ ਅਹਾਤੇ ਵਿੱਚ ਨਾਅਰੇਬਾਜ਼ੀ ਕੀਤੀ। ਆਰਡੀਏ ਜੀਟੀਬੀ ਦੇ ਉਪ ਪ੍ਰਧਾਨ ਪਾਰਥ ਮਿਸ਼ਰਾ ਨੇ ਕਿਹਾ ਕਿ ਪੀੜਤ ਲਈ ਨਿਆਂ ਅਤੇ ਡਾਕਟਰਾਂ ਦੀ ਸੁਰੱਖਿਆ ਲਈ, ਮੋਮਬੱਤੀ ਮਾਰਚ ਕੱਢਿਆ, ਜਿਸ ਦਾ ਫੈਸਲਾ ਸਾਡੇ ਆਰਡੀਏ ਮੈਂਬਰਾਂ ਵੱਲੋਂ ਸਮੂਹਿਕ ਤੌਰ ’ਤੇ ਕੀਤਾ ਗਿਆ ਸੀ। ਆਰਡੀਏ, ਜੀਟੀਬੀ ਦੇ ਉਪ ਪ੍ਰਧਾਨ ਪਾਰਥ ਮਿਸ਼ਰਾ ਨੇ ਕਿਹਾ ਕਿ ਅਸੀਂ ਆਪਣੀ ਹੜਤਾਲ ਵਾਪਸ ਲੈ ਲਈ ਹੈ, ਪਰ ਅਸੀਂ ਅਜੇ ਵੀ ਨਿਆਂ ਲਈ ਲੜ ਰਹੇ ਹਾਂ ਤੇ ਇਹ ਸਾਡਾ ਚੁੱਪ ਵਿਰੋਧ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਮਾਗਮ ਸਿਰਫ਼ ਇੱਕ ਮਾਰਚ ਨਹੀਂ ਹੈ, ਸਗੋਂ ਇੱਕ ਸਮੂਹਿਕ ਪ੍ਰਦਰਸ਼ਨ ਹੈ, ਆਰਜੀ ਕੇਆਰ ਵਿੱਚ ਸਾਡੇ ਸਾਥੀ ਹੈਲਥਕੇਅਰ ਪੇਸ਼ੇਵਰਾਂ ਨਾਲ ਨਿਆਂ ਅਤੇ ਏਕਤਾ ਲਈ ਇੱਕ ਗੂੰਜਦਾ ਮੁੱਦਾ ਹੈ।