ਕੈਂਬਰਿਜ ਸਕੂਲ ਦਸੂਹਾ ਨੂੰ ਭਾਰਤ ਵਿੱਚੋਂ 7ਵਾਂ ਸਥਾਨ

ਦਸੂਹਾ: ਇੱਥੇ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਦਸੂਹਾ ਨੇ ਐਜੂਕੇਸ਼ਨ ਵਰਲਡ ਵੱਲੋਂ ‘ਗਰੈਂਡ ਜਿਊਰੀ ਇੰਡੀਆ ਸਕੂਲ ਰੈਕਿੰਗ 2024-25 ਤਹਿਤ ‘ਸਟੀਮ ਐਜੂਕੇਸ਼ਨ ਐਕਸੀਲੈਂਸ ਸ਼੍ਰੈਣੀ’ ਵਿੱਚ ਸੂਬੇ ਵਿੱਚੋਂ ਤੀਜਾ ਤੇ ਭਾਰਤ ਵਿੱਚੋਂ ਸੱਤਵਾਂ ਸਥਾਨ ਹਾਸਲ ਕੀਤਾ ਹੈ। ਇਸ ਸਬੰਧੀ ਨਵੀਂ ਦਿੱਲੀ ਵਿੱਚ ਕਰਵਾਏ ਇਨਾਮ ਵੰਡ ਸਮਰੋਹ ਵਿੱਚ ਪ੍ਰਬੰਧਕਾਂ ਵੱਲੋਂ ਪ੍ਰਿੰਸੀਪਲ ਓਪੀ ਗੁਪਤਾ ਨੂੰ ਇਹ ਵੱਕਾਰੀ ਐਵਾਰਡ ਭੇਟ ਕੀਤਾ ਗਿਆ। ਇਸ ਉਪਲੱਬਧੀ ’ਤੇ ਵਾਸਲ ਐਜੂਕੇਸ਼ਨ ਦੇ ਪ੍ਰਧਾਨ ਕੇਕੇ ਵਾਸਲ, ਚੇਅਰਮੈਨ ਸੰਜੀਵ ਵਾਸਲ, ਵਾਈਸ ਪ੍ਰੈਜ਼ੀਡੈਂਟ ਈਨਾ ਵਾਸਲ, ਸੀਈਓ ਰਾਘਵ ਵਾਸਲ ਅਤੇ ਡਾਇਰੈਕਟਰ ਅਦਿਤੀ ਵਾਸਲ ਨੇ ਪ੍ਰਿੰਸੀਪਲ ਅਤੇ ਸਟਾਫ ਨੂੰ ਵਧਾਈ ਦਿੱਤੀ। -ਪੱਤਰ ਪ੍ਰੇਰਕ