ਉਮਾ ਭਾਰਤੀ ਦਾ ਥਹੁ ਪਤਾ ਲਾਉਣ ਲਈ ਪਾਕਿ ਤੇ ਦੁਬਈ ਤੋਂ ਆਏ ਫੋਨ
07:13 AM Jun 12, 2024 IST
Advertisement
ਭੋਪਾਲ, 11 ਜੂਨ
ਮੱਧ ਪ੍ਰਦੇਸ਼ ਦੀ ਸਾਬਕਾ ਮੁੱਖ ਮੰਤਰੀ ਅਤੇ ਭਾਜਪਾ ਆਗੂ ਉਮਾ ਭਾਰਤੀ ਦੀ ਸੁਰੱਖਿਆ ਲਈ ਤਾਇਨਾਤ ਇੱਕ ਅਧਿਕਾਰੀ ਨੂੰ ਪਾਕਿਸਤਾਨ ਅਤੇ ਦੁਬਈ ਤੋਂ ਫੋਨ ਕਾਲਾਂ ਆਈਆਂ ਜਿਸ ਵਿੱਚ ਉਨ੍ਹਾਂ ਤੋਂ ਉਮਾ ਭਾਰਤੀ ਦੇ ਟਿਕਾਣੇ ਬਾਰੇ ਪੁੱਛਿਆ ਗਿਆ। ਭਾਜਪਾ ਆਗੂ ਨੂੰ ਜ਼ੈੱਡ ਪਲੱਸ ਸੁਰੱਖਿਆ ਮਿਲੀ ਹੋਈ ਹੈ। ਭਾਰਤੀ ਦੇ ਦਫ਼ਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ ਫੋਨ ਕਰਨ ਵਾਲਿਆਂ ਨੇ ਖੁਦ ਨੂੰ ਅਪਰਾਧ ਸ਼ਾਖਾ ਤੋਂ ਦੱਸਿਆ ਅਤੇ ਕਿਹਾ ਕਿ ਉਹ ਪੁੱਛ-ਪੜਤਾਲ ਲਈ ਉਨ੍ਹਾਂ ਦਾ ਟਿਕਾਣਾ ਜਾਣਨਾ ਚਾਹੁੰਦੇ ਹਨ। ਟਰੂਕਾਲਰ ਆਈਡੀ ਤੋਂ ਪਤਾ ਲੱਗਿਆ ਹੈ ਕਿ ਇੱਕ ਨੰਬਰ ਪਾਕਿਸਤਾਨ ਦੇ ਐਮ. ਹੁਸੈਨ ਦਾ ਹੈ ਜਦਕਿ ਦੂਜਾ ਦੁਬਈ ਦੇ ਅੱਬਾਸ ਦਾ ਹੈ। -ਪੀਟੀਆਈ
Advertisement
Advertisement