ਪੰਚਕੂਲਾ ਤੋਂ ਪੰਜ ਲੰਬੇ ਰੂਟਾਂ ’ਤੇ ਚਲਾਈਆਂ ਜਾਣਗੀਆਂ ਬੱਸਾਂ

ਪੱਤਰ ਪ੍ਰੇਰਕ
ਪੰਚਕੂਲਾ, 29 ਮਾਰਚ
ਪੰਚਕੂਲਾ ਦੇ ਸੈਕਟਰ-5 ਦੇ ਬੱਸ ਸਟੈਂਡ ਤੋਂ 5 ਅਪਰੈਲ ਤੋਂ ਲੰਬੇ ਰੂਟ ਉੱਤੇ 15 ਨਵੀਆਂ ਬੱਸਾਂ ਚਲਾਈਆਂ ਜਾਣਗੀਆਂ। ਇਹ ਬੱਸਾਂ ਰੋਹਤਕ, ਗੁਰੂਗ੍ਰਾਮ, ਹਿਸਾਰ, ਦਿੱਲੀ ਅਤੇ ਭਿਵਾਨੀ ਰੂਟਾਂ ’ਤੇ ਚਲਾਈਆਂ ਜਾਣਗੀਆਂ। ਇਸ ਲਈ ਵਿਭਾਗ ਵੱਲੋਂ ਰੂਟ ਚਾਰਟ ਤਿਆਰ ਕੀਤਾ ਜਾ ਰਿਹਾ ਹੈ। ਪੰਚਕੂਲਾ ਬੱਸ ਸਟੈਂਡ ਸੈਕਟਰ-5 ਤੋਂ ਚਲਾਉਣ ਲਈ 40 ਨਵੀਆਂ ਬੱਸਾਂ ਲਿਆਂਦੀਆਂ ਗਈਆਂ ਹਨ। ਇਸ ਵਿੱਚ ਪਹਿਲਾਂ ਹੀ 20 ਬੱਸਾਂ ਚਲਾਈਆਂ ਜਾ ਚੁੱਕੀਆਂ ਹਨ। ਹੁਣ ਟਰਾਂਸਪੋਰਟ ਵਿਭਾਗ ਵੱਲੋਂ ਹੋਰ 15 ਬੱਸਾਂ ਚਲਾਉਣ ਦੇ ਪ੍ਰਬੰਧ ਕੀਤੇ ਜਾ ਰਹੇ ਹਨ। ਇਸ ਨਾਲ ਸਵੇਰੇ ਤੇ ਸ਼ਾਮ ਸਮੇਂ ਬੱਸਾਂ ਦਾ ਸੰਚਾਲਨ ਵਧੇਗਾ।