ਨੂਹ ਵਿੱਚ ਹਿੰਸਾ ਦੇ ਦੋਸ਼ੀਆਂ ਖ਼ਿਲਾਫ਼ ਚੱਲਿਆ ਬੁਲਡੋਜ਼ਰ

ਗੁਰੂਗ੍ਰਾਮ (ਸੁਮੇਧਾ ਸ਼ਰਮਾ): ਨੂਹ ਵਿੱਚ ‘ਯੋਗੀ ਸ਼ੈਲੀ’ ਦੀ ‘ਬੁਲਡੋਜ਼ਰ ਨਿਆਂ ਪ੍ਰਣਾਲੀ’ ਸ਼ੁਰੂ ਹੋ ਗਈ ਹੈ। ਵੱਖ-ਵੱਖ ਸਰਕਾਰੀ ਏਜੰਸੀਆਂ ਤਾਵੜੂ ਵਿੱਚ ਪਰਵਾਸੀਆਂ ਦੀਆਂ 250 ਨਾਜਾਇਜ਼ ਝੋਪੜੀਆਂ ’ਤੇ ਬੁਲਡੋਜ਼ਰ ਚਲਾ ਰਹੀਆਂ ਹਨ। ਇਨ੍ਹਾਂ ਵਿੱਚ ਜ਼ਿਆਦਾਤਰ ਨੂਹ ਹਿੰਸਾ ਦੇ ਕਥਿਤ ਦੋਸ਼ੀ ਰਹਿੰਦੇ ਹਨ। ਦੱਸਿਆ ਗਿਆ ਹੈ ਕਿ ਇਹ ਝੋਪੜੀਆਂ ਪਿਛਲੇ ਚਾਰ ਸਾਲਾਂ ਤੋਂ ਹਰਿਆਣਾ ਸ਼ਹਿਰੀ ਵਿਕਾਸ ਅਥਾਰਿਟੀ ਦੀ ਜ਼ਮੀਨ ’ਤੇ ਨਾਜਾਇਜ਼ ਤੌਰ ’ਤੇ ਬਣੀਆਂ ਹੋਈਆਂ ਸਨ। ਦੋਸ਼ ਹੈ ਕਿ ਇਨ੍ਹਾਂ ਵਿੱਚ ਨਾਜਾਇਜ਼ ਤੌਰ ’ਤੇ ਬੰਗਲਾਦੇਸ਼ ਤੋਂ ਆਏ ਕੁਝ ਲੋਕ ਵੀ ਰਹਿੰਦੇ ਹਨ। ਜ਼ਿਲ੍ਹਾ ਅਧਿਕਾਰੀਆਂ ਨੇ ਸੰਪਰਕ ਕਰਨ ’ਤੇ ਦਾਅਵਾ ਕੀਤਾ ਕਿ ਝੁੱਗੀਆਂ ਨਾਜਾਇਜ਼ ਸਨ।