ਇਸਲਾਮ ਵਿਰੋਧੀ ਟਿੱਪਣੀ ਕਰਨ ਵਾਲੇ ਬੋਧੀ ਭਿਕਸ਼ੂ ਨੂੰ ਚਾਰ ਸਾਲ ਕੈਦ
06:00 PM Mar 28, 2024 IST
Advertisement
ਕੋਲੰਬੋ, 28 ਮਾਰਚ
Advertisement
ਸ੍ਰੀਲੰਕਾ ਦੀ ਅਦਾਲਤ ਨੇ ਇੱਕ ਕੱਟੜਵਾਦੀ ਬੋਧੀ ਭਿਕਸ਼ੂ ਨੂੰ ਅੱਜ 2016 ’ਚ ਇਸਲਾਮ ਖ਼ਿਲਾਫ਼ ਕੀਤੀਆਂ ਗਈਆਂ ਟਿੱਪਣੀਆਂ ਲਈ ਚਾਰ ਸਾਲ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ ਹੈ। 49 ਸਾਲਾ ਗੈਲਾਗੋਡੇਟ ਗਿਆਨਸਾਰਾ ਨੂੰ ਇੱਥੋਂ ਦੇ ਹਾਈ ਕੋਰਟ ਨੇ ਇੱਕ ਲੱਖ ਰੁਪਏ ਜੁਰਮਾਨਾ ਭਰਨ ਦਾ ਵੀ ਹੁਕਮ ਦਿੱਤਾ ਹੈ। ਇਹ ਭਿਕਸ਼ੂ ਸਾਲ 2012 ਤੋਂ ਇਸਲਾਮ ਵਿਰੋਧੀ ਮੁਹਿੰਮ ਚਲਾ ਰਿਹਾ ਸੀ ਅਤੇ ਉਸ ਨੇ ਮਾਰਚ 2016 ਵਿੱਚ ਪ੍ਰੈੱਸ ਕਾਨਫਰੰਸ ਦੌਰਾਨ ਇਸਲਾਮ ਵਿਰੋਧੀ ਟਿੱਪਣੀਆਂ ਕੀਤੀਆਂ ਸਨ। ਅਦਾਲਤ ਵਿੱਚ ਫਰਵਰੀ ਦੇ ਮੱਧ ’ਚ ਹੋਈ ਪਿਛਲੀ ਸੁਣਵਾਈ ਦੌਰਾਨ ਭਿਕਸ਼ੂ ਨੇ ਆਪਣੀ ਜਨਤਕ ਟਿੱਪਣੀ ਕਾਰਨ ਹੋਈ ਪ੍ਰੇਸ਼ਾਨੀ ਲਈ ਮੁਸਲਿਮ ਭਾਈਚਾਰੇ ਤੋਂ ਮੁਆਫ਼ੀ ਮੰਗੀ ਸੀ।
Advertisement