ਬਸਪਾ ਵੱਲੋਂ ਮਨਹੇੜਾ ਦੀ ਯਾਦ ’ਚ ਸਮਾਗਮ

ਖਰੜ: ਬਸਪਾ ਵੱਲੋਂ ਪਾਰਟੀ ਦੇ ਤਤਕਾਲੀ ਕੌਮੀ ਜਨਰਲ ਸਕੱਤਰ ਮਰਹੂਮ ਮਾਨ ਸਿੰਘ ਮਨਹੇੜਾ ਦਾ ਜਨਮ ਦਿਨ ਅੱਜ ਖਾਨਪੁਰ (ਖਰੜ) ਦੇ ਗੁਰਦੁਆਰਾ ਸੱਚਖੰਡ ਸਾਹਿਬ ਵਿੱਚ ਮਨਾਇਆ ਗਿਆ। ਇਸ ਦੌਰਾਨ ਵੱਡੀ ਗਿਣਤੀ ਬਸਪਾ ਦੇ ਵਰਕਰ ਤੇ ਸਮਰਥਕ ਇਕੱਤਰ ਹੋਏ। ਬੁਲਾਰਿਆਂ ਨੇ ਮਨਹੇੜਾ ਦੇ ਜੀਵਨ ’ਤੇ ਚਾਨਣਾ ਪਾਇਆ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਮਾਸਟਰ ਨਛੱਤਰਪਾਲ ਸਿੰਘ ਤੇ ਹਰਨੇਕ ਸਿੰਘ ਦੇਵਪੁਰੀ ਨੇ ਕੀਤੀ। ਬਸਪਾ ਪੰਜਾਬ ਦੇ ਜਨ ਸਕੱਤਰ ਤੇ ਚੰਡੀਗੜ੍ਹ ਦੇ ਇੰਚਾਰਜ ਰਜਿੰਦਰ ਸਿੰਘ ਨਨਹੇੜੀਆਂ ਨੇ ਕਿਹਾ ਕੇ ਸ੍ਰੀ ਮਨਹੇੜਾ ਨੇ ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਤੇ ਜੰਮੂ ਕਸ਼ਮੀਰ ਵਿੱਚ ਪਾਰਟੀ ਦਾ ਪ੍ਰਚਾਰ ਪ੍ਰਸਾਰ ਕੀਤਾ। ਇਸ ਮੌਕੇ ਗੁਰਮੀਤ ਸਿੰਘ ਚੋਭਦਾਰ, ਸੁਖਦੇਵ ਸਿੰਘ ਚੱਪੜਚਿੜੀ, ਹਰਨੇਕ ਸਿੰਘ ਐੱਸਡੀਓ, ਜਗਜੀਤ ਸਿੰਘ ਬਿੱਟੂ, ਰਾਜ ਸਿੰਘ ਮੁਹਾਲੀ, ਕਾਂਸੀ ਰਾਮ ਦੀ ਭੈਣ ਕੁਲਵੰਤ ਕੌਰ ਸੋਲਖੀਆਂ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ