ਬੀਐੱਸਐੱਫ ਤੇ ਪੁਲੀਸ ਵੱਲੋਂ ਹੈਰੋਇਨ ਦੇ 5 ਪੈਕੇਟ ਬਰਾਮਦ

ਪੱਤਰ ਪ੍ਰੇਰਕ
ਅਟਾਰੀ, 2 ਮਈ
ਭਾਰਤ ਪਾਕਿਸਤਾਨ ਸਰਹੱਦ ’ਤੇ ਸਰਹੱਦੀ ਚੌਕੀ ਪੁਲਮੋਰਾਂ ਵਿੱਚ ਬੀਐੱਸਐੱਫ ਦੇ 22ਵੀਂ ਬੀਐੱਨ ਅਤੇ ਸਥਾਨਕ ਪੁਲੀਸ ਘਰਿੰਡਾ ਨੇ ਇੱਕ ਸਾਂਝੇ ਤਲਾਸ਼ੀ ਅਭਿਆਨ ਦੌਰਾਨ ਇੱਕ ਵੱਡੇ ਪੈਕੇਟ (ਨੀਲੇ ਰੰਗ ਦਾ ਸੂਤੀ ਬੈਗ) ਜਿਸ ਵਿੱਚ 5 ਪੈਕਟ ਹੈਰੋਇਨ ਬਰਾਮਦ ਕੀਤੀ। ਇਸੇ ਤਰ੍ਹਾਂ ਇੱਕ ਮੁੱਠਭੇੜ ਤੋਂ ਬਾਅਦ ਸਰਹੱਦੀ ਚੌਕੀ ਦਾਉਕੇ ਨੇੜੇ ਇੱਕ ਹਥਿਆਰਬੰਦ ਪਾਕਿ ਘੁਸਪੈਠੀਆਂ ਨੂੰ ਕਾਬੂ ਕੀਤਾ ਗਿਆ। ਘੁਸਪੈਠੀਆ ਸਰਹੱਦ ਨੂੰ ਪਾਰ ਕਰ ਕੇ ਕੰਡਿਆਲੀ ਵਾੜ ਵੱਲ ਵਧ ਰਿਹਾ ਸੀ। ਫੜੇ ਗਏ ਘੁਸਪੈਠੀਏ ਪਛਾਣ ਮੁਹੰਮਦ ਅਵੇਸ਼ (ਉਮਰ-19 ਸਾਲ) ਪਿੰਡ ਮਨਿਆਲਾ ਪਾਕਿਸਤਾਨ ਵਜੋਂ ਹੋਈ ਹੈ।