ਹਾਦਸੇ ’ਚ ਜੀਜਾ-ਸਾਲਾ ਹਲਾਕ

ਗੁਰਜੰਟ ਕਲਸੀ
ਸਮਾਲਸਰ, 18 ਅਕਤੂਬਰ
ਇੱਥੇ ਅੱਜ ਤੜਕੇ 4 ਵਜੇ ਸੜਕ ਹਾਦਸੇ ’ਚ ਦੋ ਨੌਜਵਾਨਾਂ ਦੀ ਮੌਤ ਹੋ ਗਈ। ਦੋਵੇਂ ਨੌਜਵਾਨ ਨਿਗਾਹੇ ਵਿਖੇ ਮੱਥਾ ਟੇਕ ਕੇ ਪਰਤ ਰਹੇ ਸਨ। ਵਿਸ਼ਾਲ ਪੁੱਤਰ ਰਾਮਵੀਰ (22) ਵਾਸੀ ਬਠਿੰਡਾ ਤੇ ਕਰਨ ਕੁਮਾਰ ਵਾਸੀ ਜੱਸੀ ਪੌ ਵਾਲੀ ਬਠਿੰਡਾ ਲੰਘੀ ਰਾਤ ਮੁੱਦਕੀ ਰੋਡ ’ਤੇ ਨਿਗਾਹੇ ਵਿਖੇ ਮੱਥਾ ਟੇਕਣ ਲਈ ਨਵੇਂ ਸਪਲੈਂਡਰ ਮੋਟਰਸਾਈਕਲ ’ਤੇ ਆਏ ਸਨ। ਉਹ ਅੱਜ ਸਵੇਰੇ ਚਾਰ ਵਜੇ ਆਪਣੀ ਰਿਹਾਇਸ਼ ਵੱਲ ਪਰਤ ਰਹੇ ਸਨ। ਉਹ ਇੱਥੇ ਸਮਾਲਸਰ ਚੌਕ ਵਿੱਚ ਪਹੁੰਚੇ ਤਾਂ ਕਿਸੇ ਅਣਪਛਾਤੇ ਵਾਹਨ ਨਾਲ ਟਕਰਾਅ ਗਏ। ਇੱਕ ਨੌਜਵਾਨ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ, ਜਦਕਿ ਦੂਜੇ ਜ਼ਖ਼ਮੀ ਨੌਜਵਾਨ ਨੂੰ ਪੁਲੀਸ ਨੇ ਹਸਪਤਾਲ ਪਹੁੰਚਾਇਆ ਪਰ ਉਹ ਵੀ ਬਚ ਨਾ ਸਕਿਆ।