ਹੱਲੋਮਾਜਰਾ ਤੋਂ ਜ਼ੀਰਕਪੁਰ ਦੀ ਹੱਦ ਤੱਕ ਫਾਰਮ ਹਾਊਸਾਂ, ਨਰਸਰੀਆਂ ਤੇ ਦੁਕਾਨਾਂ ਦੀਆਂ ਚਾਰਦੀਵਾਰੀਆਂ ਢਾਹੀਆਂ

ਦੁਸ਼ਯੰਤ ਪੁੰਡੀਰ
ਚੰਡੀਗੜ੍ਹ, 27 ਮਈ

ਯੂਟੀ ਅਸਟੇਟ ਦਫ਼ਤਰ ਦੀ ਟੀਮ ਨੇ ਦੱਖਣੀ ਮਾਰਗ ’ਤੇ ਨਜਾਇਜ਼ ਕਬਜ਼ੇ ਹਟਾਉਣ ਲਈ ਚਲਾਈ ਮੁਹਿੰਮ ਤਹਿਤ ਅੱਜ ਹੱਲੋਮਾਜਰਾ ਦੀਆਂ ਲਾਈਟਾਂ ਤੋਂ ਯੂਟੀ ਦੀ ਜ਼ੀਰਕਪੁਰ ਨਾਲ ਲੱਗਦੀ ਹੱਦ ਤੱਕ ਕਈ ਫਾਰਮ ਹਾਊਸਾਂ, ਨਰਸਰੀਆਂ ਤੇ ਦੁਕਾਨਾਂ ਆਦਿ ਦੀਆਂ ਚਾਰਦੀਵਾਰੀਆਂ ਢਾਹ ਦਿੱਤੀਆਂ ਹਨ। ਚੰਡੀਗੜ੍ਹ ਦੇ ਮੁੱਖ ਇੰਜਨੀਅਰ ਸੀ.ਬੀ. ਓਝਾ ਨੇ ਕਿਹਾ ਕਿ ਸਲਿੱਪ ਰੋਡ ਨੂੰ ਚੌੜਾ ਕਰਨ ਅਤੇ ਹੱਲੋਮਾਜਰਾ ਲਾਈਟ ਪੁਆਇੰਟ ਤੋਂ ਜ਼ੀਰਕਪੁਰ ਦੇ ਨਾਲ ਯੂਟੀ ਦੀ ਹੱਦ ਤੱਕ 3.50 ਕਿਲੋਮੀਟਰ ਸਾਈਕਲ ਟਰੈਕ ਦੇ ਨਿਰਮਾਣ ਲਈ ਗੈਰ-ਕਾਨੂੰਨੀ ਉਸਾਰੀਆਂ ਨੂੰ ਢਾਹਿਆ ਜਾ ਰਿਹਾ ਹੈ।