ਪੁਸਤਕ ‘ਹੇਮਕੁੰਟ ਪਰਬਤ ਹੈ ਜਹਾਂ’ ਰਿਲੀਜ਼

ਭਵਾਨੀਗੜ੍ਹ: ਇੱਥੋਂ ਨੇੜਲੇ ਪਿੰਡ ਬੀਂਬੜ ਦੇ ਲੇਖਕ ਇੰਜੀ ਸਤਨਾਮ ਸਿੰਘ ਮੱਟੂ ਨੇ ਆਪਣੀ ਨਵੀਂ ਲਿਖੀ ਪੁਸਤਕ ‘ਹੇਮਕੁੰਟ ਪਰਬਤ ਹੈ ਜਹਾਂ’ ਯਾਤਰਾ ਨੂੰ ਇਕ ਸਾਦੇ ਸਮਾਗਮ ਦੌਰਾਨ ਉਨ੍ਹਾਂ ਦੇ ਪਿਤਾ ਸੇਵਾ ਸਿੰਘ ਅਤੇ ਮਾਤਾ ਬਲਵੀਰ ਕੌਰ ਨੇ ਲੋਕ ਅਰਪਣ ਕੀਤਾ। ਸਤਨਾਮ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸੇ ਘਰ ਅੰਦਰ ਬੈਠ ਕੇ ਪਹਿਲੀ ਸਾਹਿਤਕ ਰਚਨਾ ‘ਯਖ਼ ਰਾਤਾਂ ਪੋਹ ਦੀਆਂ’ ਦੀ ਸਿਰਜਣਾ ਕੀਤੀ ਸੀ। ਸਾਹਿਤ ਕਲਸ਼ ਪਟਿਆਲਾ ਵੱਲੋਂ ਛਾਪੀ ਗਈ ਇਸ ਪੁਸਤਕ ਵਿੱਚ ਰਿਸ਼ੀਕੇਸ਼, ਜੋਸ਼ੀ ਮੱਠ, ਸ੍ਰੀਨਗਰ, ਗੋਬਿੰਦ ਘਾਟ, ਗੋਬਿੰਦ ਧਾਮ ਅਤੇ ਗੁਰਦੁਆਰਾ ਹੇਮਕੁੰਟ ਸਾਹਿਬ ਗੁਰਦੁਆਰਿਆਂ ਦੇ ਜ਼ਿਕਰ ਤੋਂ ਇਲਾਵਾ ਹੋਰ ਸ਼ਹਿਰਾਂ ਦੇ ਮੰਦਰਾਂ, ਰਸਤੇ ਦੀਆਂ ਕੁਦਰਤੀ ਸੁੰਦਰਤਾ, ਅਲਕਨੰਦਾ ਨਦੀ ਉੱਤੇ ਬਣੇ ਕੁਦਰਤੀ ਪ੍ਰਯਾਗਾਂ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। -ਪੱਤਰ ਪ੍ਰੇਰਕ