ਇੰਡੋਨੇਸ਼ੀਆ ’ਚ ਜਵਾਲਾਮੁਖੀ ਫਟਣ ਬਾਅਦ ਹੋਰ ਪਰਬਤਾਰੋਹੀਆਂ ਦੀਆਂ ਲਾਸ਼ਾਂ ਮਿਲੀਆਂ, ਮ੍ਰਿਤਕਾਂ ਦੀ ਗਿਣਤੀ 23 ਤੱਕ ਪੁੱਜੀ

ਪਲਾਨੋ (ਇੰਡੋਨੇਸ਼ੀਆ), 5 ਦਸੰਬਰ
ਇੰਡੋਨੇਸ਼ੀਆ ਦੇ ਬਚਾਅ ਕਰਮਚਾਰੀਆਂ ਨੇ ਮਾਊਂਟ ਮਰਾਪੀ ਵਿਚ ਜਵਾਲਾਮੁਖੀ ਫਟਣ ਤੋਂ ਬਾਅਦ ਅੱਜ ਹੋਰ ਲਾਸ਼ਾਂ ਬਰਾਮਦ ਕੀਤੀਆਂ ਅਤੇ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 23 ਹੋਣ ਦਾ ਖਦਸ਼ਾ ਹੈ। ਪਹਿਲਾਂ 11 ਪਰਬਤਾਰੋਹੀਆਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਸੀ ਅਤੇ 50 ਤੋਂ ਵੱਧ ਪਰਬਤਾਰੋਹੀਆਂ ਨੂੰ ਬਚਾਅ ਲਿਆ ਗਿਆ ਸੀ। ਸੋਮਵਾਰ ਨੂੰ ਇੱਕ ਦੂਜੇ ਧਮਾਕੇ ਨਾਲ ਅਸਮਾਨ ਵਿੱਚ 800 ਮੀਟਰ ਤੱਕ ਸੁਆਹ ਦੀ ਇੱਕ ਮੋਟੀ ਪਰਤ ਛਾ ਗਈ ਸੀ, ਜਿਸ ਨਾਲ ਖੋਜ ਮੁਹਿੰਮ ਨੂੰ ਅਸਥਾਈ ਤੌਰ 'ਤੇ ਰੋਕਣਾ ਪਿਆ।