ਇੰਡੋਨੇਸ਼ਿਆਈ ਟਾਪੂ ਵਿੱਚ ਕਿਸ਼ਤੀ ਪਲਟੀ, 15 ਹਲਾਕ

ਜਕਾਰਤਾ, 24 ਜੁਲਾਈ
ਇੰਡੋਨੇਸ਼ੀਆ ਵਿੱਚ ਸੁਲਾਵੇਸੀ ਟਾਪੂ ਨੇੜੇ ਇੱਕ ਕਿਸ਼ਤੀ ਪਲਟਣ ਕਾਰਨ ਘੱਟੋ-ਘੱਟ 15 ਜਣਿਆਂ ਦੀ ਮੌਤ ਹੋ ਗਈ। ਰਾਹਤ ਅਤੇ ਬਚਾਅ ਕਰਮੀਆਂ ਨੇ ਦੱਸਿਆ ਕਿ ਕਿਸ਼ਤੀ ਵਿੱਚ ਸਮਰੱਥਾ ਤੋਂ ਵੱਧ ਲੋਕ ਸਵਾਰ ਸਨ। ਹਾਲਾਂਕਿ ਇਸ ਦੌਰਾਨ 33 ਜਣਿਆਂ ਨੂੰ ਬਚਾਅ ਲਿਆ ਗਿਆ। ਬੁਟੋਨ ਖੋਜ ਅਤੇ ਬਚਾਅ ਏਜੰਸੀ ਦੇ ਮੁਖੀ ਮੁਹੰਮਦ ਅਰਾਫਾਹ ਨੇ ਦੱਸਿਆ ਕਿ ਕਿਸ਼ਤੀ ਦੱਖਣ ਪੂਰਬੀ ਸੁਲਾਵੇਸੀ ਸੂਬੇ ਵਿੱਚ ਬੁਟੋਨ ਸੈਂਟਰਲ ਰੀਜੈਂਸੀ ਦੇ ਲਾਂਤੋ ਪਿੰਡ ਤੋਂ ਲਾਗਿਲੀ ਪਿੰਡ ਵੱਲ ਜਾ ਰਹੀ ਸੀ। -ਏਪੀ