ਸ਼ਰਧਾਂਜਲੀ ਸਮਾਗਮ ਮੌਕੇ ਖੂਨਦਾਨ ਕੈਂਪ

ਪੱਤਰ ਪ੍ਰੇਰਕ
ਭੁੱਚੋ ਮੰਡੀ, 14 ਅਪਰੈਲ
ਸਮਾਜ ਸੇਵੀ ਰਜਿੰਦਰ ਕੁਮਾਰ ਮਹੇਸ਼ਵਰੀ ਦੇ ਮਰਹੂਮ ਪੁੱਤਰ ਅਜੈ ਮਹੇਸ਼ਵਰੀ (49) ਨਮਿਤ ਸ਼ਰਧਾਂਜਲੀ ਸਮਾਗਮ ਇੱਥੇ ਸ਼ਾਂਤੀ ਹਾਲ ਵਿੱਚ ਕਰਵਾਇਆ ਗਿਆ। ਇਸ ਮੌਕੇ ਪਰਿਵਾਰ ਨੇ ਮਾਨਵਤਾ ਦੀ ਭਲਾਈ ਲਈ ਖੂਨਦਾਨ ਕੈਂਪ ਲਾਇਆ। ਇਸ ਮੌਕੇ ਨੌਜਵਾਨ ਵੈੱਲਫੇਅਰ ਸੁਸਾਇਟੀ ਬਠਿੰਡਾ ਅਤੇ ਮਹੇਸ਼ਵਰੀ ਸਭਾ ਨੇ 18 ਯੂਨਿਟ ਖੂਨ ਇਕੱਤਰ ਕੀਤਾ। ਸੁਸਾਇਟੀ ਦੇ ਪ੍ਰਧਾਨ ਸੋਨੂੰ ਮਹੇਸ਼ਵਰੀ, ਸੁਰਿੰਦਰ ਮਹੇਸ਼ਵਰੀ, ਸੁਮਿਤ ਮਹੇਸ਼ਵਰੀ, ਮਹੇਸ਼ਵਰੀ ਸਭਾ ਦੇ ਪ੍ਰਧਾਨ ਕੇ ਕੇ ਮਾਲਪਾਣੀ, ਜਗਦੀਸ਼ ਮੰਤਰੀ ਅਤੇ ਸੁਪਰੀਮ ਕੋਠਾਰੀ ਨੇ ਮਰਹੂਮ ਅਜੈ ਮਹੇਸ਼ਵਰੀ ਨੂੰ ਸ਼ਰਧਾਂਜਲੀਆਂ ਭੇਟ ਕੀਤੀਆਂ। ਇਸ ਮੌਕੇ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਸਰੂਪ ਚੰਦ ਸਿੰਗਲਾ, ਡਾ: ਚਿਰੰਜੀ ਲਾਲ ਮਹੇਸ਼ਵਰੀ, ਮਨੋਜ ਕੋਠਾਰੀ, ਪੁਸ਼ਪਕ ਮਹੇਸ਼ਵਰੀ, ਸੁਸ਼ੀਲ ਮੁੰਦੜਾ, ਸੰਜੀਵ ਬਿਹਾਨੀ ਅਤੇ ਵੱਖ-ਵੱਖ ਸੰਸਥਾਵਾਂ ਦੇ ਆਗੂਆਂ ਨੇ ਅਜੈ ਮਹੇਸ਼ਵਰੀ ਨੂੰ ਸ਼ਰਧਾਂਜਲੀ ਭੇਟ ਕੀਤੀ। ਪਵਨ ਮਹੇਸ਼ਵਰੀ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ।