ਕੇਂਦਰ ਵਿੱਚ ‘ਰਾਵਣ ਦੀ ਸਰਕਾਰ’ ਚਲਾ ਰਹੀ ਭਾਜਪਾ: ਮਮਤਾ
10:44 PM Feb 15, 2024 IST
Advertisement
ਕੋਲਕਾਤਾ, 15 ਫਰਵਰੀ
Advertisement
ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਸਾਨਾਂ ਦੇ ਰੋਸ ਮੁਜ਼ਾਹਰੇ ਨੂੰ ਲੈ ਕੇ ਅੱਜ ਭਾਰਤੀ ਜਨਤਾ ਪਾਰਟੀ ਦੀ ਆਲੋਚਨਾ ਕੀਤੀ ਅਤੇ ਦਾਅਵਾ ਕੀਤਾ ਕਿ ਪਾਰਟੀ ਕੇਂਦਰ ਵਿੱਚ ‘ਰਾਵਣ ਦੀ ਸਰਕਾਰ’ ਚਲਾ ਰਹੀ ਹੈ ਜੋ ਸਾਰੀਆਂ ਲਛਮਣ ਰੇਖਾਵਾਂ ਉਲੰਘ ਚੁੱਕੀ ਹੈ। ਉਨ੍ਹਾਂ ਵਿਧਾਨ ਸਭਾ ’ਚ ਕਿਹਾ ਕਿ ਉਨ੍ਹਾਂ ਕਿਸਾਨਾਂ ਨਾਲ ਇਕਜੁੱਟਤਾ ਜ਼ਾਹਿਰ ਕਰਨ ਲਈ ਪੰਜਾਬ ਦੀ ਆਪਣੀ ਨਿਰਧਾਰਤ ਯਾਤਰਾ ਮੁਲਤਵੀ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਉਨ੍ਹਾਂ ਕਿਹਾ, ‘ਕਿਸਾਨ ਵਿਰੋਧ ਪ੍ਰਦਰਸ਼ਨ ਕਰ ਰਹੇ ਹਨ ਅਤੇ ਦੇਸ਼ ਸੜ ਰਿਹਾ ਹੈ ਪਰ ਭਾਜਪਾ ਨੂੰ ਕੋਈ ਫਿਕਰ ਨਹੀਂ ਹੈ। ਇਹ ਰਾਵਣ ਦੀ ਸਰਕਾਰ ਹੈ ਜੋ ਸਾਰੀਆਂ ਲਛਮਣ ਰੇਖਾਵਾਂ ਉਲੰਘ ਚੁੱਕੀ ਹੈ। ਜਿਸ ਦਿਨ ਕਿਸਾਨ ਦਿੱਲੀ ਪੁੱਜਣਗੇ ਤਾਂ ਭਾਜਪਾ ਆਗੂਆਂ ਨੂੰ ਅਸਲੀਅਤ ਸਮਝ ਆ ਜਾਵੇਗੀ।’ -ਪੀਟੀਆਈ
Advertisement