ਅਦਾਕਾਰ ਇਲੀਨਾ ਡੀਕਰੂਜ਼ ਦੇ ਘਰ ਬੇਟੇ ਦਾ ਜਨਮ

ਮੁੰਬਈ, 6 ਅਗਸਤਅਦਾਕਾਰ ਇਲੀਨਾ ਡੀ’ਕਰੂਜ਼ (36) ਦੇ ਘਰ ਬੇਟੇ ਨੇ ਜਨਮ ਲਿਆ ਹੈ। ਅਦਾਕਾਰਾ ਦਾ ਇਹ ਪਹਿਲਾ ਬੱਚਾ ਹੈ। ਬੇਟੇ ਦਾ ਨਾਂ ਕੋਇ ਫਿਨਕਸ ਡੋਲਨ ਰੱਖਿਆ ਗਿਆ ਹੈ। ‘ਬਰਫ਼ੀ’, ‘ਰੁਸਤਮ’ ਤੇ ‘ਮੈਂ ਤੇਰਾ ਹੀਰੋ’ ਫੇਮ ਅਦਾਕਾਰਾ ਨੇ ਇੰਸਟਾਗ੍ਰਾਮ ਪੋਸਟ ਰਾਹੀਂ ਇਹ ਖ਼ਬਰ ਸਾਂਝੀ ਕੀਤੀ ਹੈ। ਪੋਸਟ ਵਿੱਚ ਬੱਚੇ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ। ਇਲੀਨਾ ਨੇ 1 ਅਗਸਤ ਨੂੰ ਬੇਟੇ ਨੂੰ ਜਨਮ ਦਿੱਤਾ ਸੀ। ਇਲੀਨਾ ਨੇ ਇਸ ਸਾਲ ਅਪਰੈਲ ਵਿੱਚ ਗਰਭਵਤੀ ਹੋਣ ਦਾ ਐਲਾਨ ਕੀਤਾ ਸੀ। -ਪੀਟੀਆਈ