ਮੁੱਖ ਖ਼ਬਰਾਂਦੇਸ਼ਵਿਦੇਸ਼ਖੇਡਾਂਕਾਰੋਬਾਰਚੰਡੀਗੜ੍ਹਦਿੱਲੀਪਟਿਆਲਾਸਾਹਿਤਫ਼ੀਚਰਸਤਰੰਗਖੇਤੀਬਾੜੀਹਰਿਆਣਾਪੰਜਾਬਮਾਲਵਾਮਾਝਾਦੋਆਬਾਅੰਮ੍ਰਿਤਸਰਜਲੰਧਰਲੁਧਿਆਣਾਸੰਗਰੂਰਬਠਿੰਡਾਪ੍ਰਵਾਸੀ ਭਾਈਚਾਰਾ
ਕਲਾਸੀਫਾਈਡ | ਹੋਰ ਕਲਾਸੀਫਾਈਡਵਰ ਦੀ ਲੋੜਕੰਨਿਆ ਦੀ ਲੋੜ
ਮਿਡਲਸੰਪਾਦਕੀਪਾਠਕਾਂਦੇਖ਼ਤਮੁੱਖਲੇਖ
Advertisement

ਬਿਡੇਨ ਵੱਲੋਂ ‘ਹਨੇਰੇ’ ਦੇ ਟਾਕਰੇ ਲਈ ਇਕਜੁੱਟਤਾ ਦਾ ਸੱਦਾ

07:21 AM Aug 22, 2020 IST

ਵਾਸ਼ਿੰਗਟਨ, 21 ਅਗਸਤ

Advertisement

ਜੋਅ ਬਿਡੇਨ ਨੇ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ’ਚ ਡੈਮੋਕਰੈਟਿਕ ਪਾਰਟੀ ਦੇ ਉਮੀਦਵਾਰ ਵਜੋਂ ਨਾਮਜ਼ਦਗੀ ਸਵੀਕਾਰ ਕਰ ਲਈ ਹੈ। ਨਾਮਜ਼ਦਗੀ ਸਵੀਕਾਰ ਕਰਨ ਮੌਕੇ ਬਿਡੇਨ ਨੇ ਕਿਹਾ ਕਿ ਉਹ ‘ਰੌਸ਼ਨ ਭਵਿੱਖ ਦੇ ਹਾਮੀ ਬਣ ਕੇ ਆਉਣਗੇ।’ ਬਿਡੇਨ ਨੇ ਅਮਰੀਕੀ ਵੋਟਰਾਂ ਨੂੰ ‘ਹਨੇਰੇ ਦੀ ਰੁੱਤ ਤੋਂ ਪਾਰ ਪਾਉਣ ਲਈ’ ਇਕੱਠੇ ਹੋਣ ਦਾ ਸੱਦਾ ਦਿੱਤਾ। ਬਿਡੇਨ ਨੇ ਕਿਹਾ ਕਿ ਰਾਸ਼ਟਰਪਤੀ ਡੋਨਲਡ ਟਰੰਪ ਕਾਰਨ ਅਮਰੀਕਾ ਨੂੰ ਲੰਮੇ ਸਮੇਂ ਤੋਂ ‘ਹਨੇਰੇ ਨੇ ਲਪੇਟਿਆ ਹੋਇਆ ਹੈ।’ ਚਾਰ ਦਿਨ ਚੱਲੀ ‘ਡੈਮੋਕਰੈਟਿਕ ਨੈਸ਼ਨਲ ਕਨਵੈਨਸ਼ਨ’ ਦੇ ਆਖ਼ਰੀ ਦਿਨ ਬਿਡੇਨ (77) ਬਾਰੇ ਇਕ ਵੀਡੀਓ ਦਿਖਾਈ ਗਈ। ਇਸ ਵਿਚ ਸਾਬਕਾ ਉਪ ਰਾਸ਼ਟਰਪਤੀ ਦੀ ਜ਼ਿੰਦਗੀ ਤੇ ਕਰੀਅਰ, ਇਕ ਪਿਤਾ, ਪਤੀ ਅਤੇ ਸਿਆਸੀ ਆਗੂ ਵਜੋਂ ਉਨ੍ਹਾਂ ਦੀ ਭੂਮਿਕਾ ’ਤੇ ਨਜ਼ਰ ਪਾਈ ਗਈ। ਬਿਡੇਨ ਨੇ ਕਿਹਾ ਕਿ ਉਹ ਅਮਰੀਕੀ ਰਾਸ਼ਟਰਪਤੀ ਵਜੋਂ ਕੋਈ ਫ਼ਰਕ ਨਹੀਂ ਕਰਨਗੇ। ਉਨ੍ਹਾਂ ਨੂੰ ਸਮਰਥਨ ਦੇਣ ਵਾਲੇ ਅਤੇ ਨਾ ਦੇਣ ਵਾਲੇ, ਹਰ ਕਿਸੇ ਲਈ ਕੰਮ ਕਰਨਗੇ।  ਡੈਮੋਕਰੈਟ ਉਮੀਦਵਾਰ ਨੇ ਕਿਹਾ ਕਿ ਉਨ੍ਹਾਂ ਹਮੇਸ਼ਾ ਇਸ ਗੱਲ ’ਤੇ ਯਕੀਨ ਕੀਤਾ ਹੈ ਕਿ ਅਮਰੀਕਾ ਸੰਭਾਵਨਾਵਾਂ ਦਾ ਦੂਜਾ ਨਾਂ ਹੈ। ਇਕਜੁੱਟ ਅਮਰੀਕਾ ਹੀ ਸਾਡੇ ਪਰਿਵਾਰਾਂ ਦੇ ਰੌਸ਼ਨ ਭਵਿੱਖ ਦੀ ਤਰਜ਼ਮਾਨੀ ਕਰਦਾ ਹੈ। ਟਰੰਪ ’ਤੇ ਨਿਸ਼ਾਨਾ ਸੇਧਦਿਆਂ ਬਿਡੇਨ ਨੇ ਕਿਹਾ ਰਾਸ਼ਟਰਪਤੀ ਦੇ ਕਾਰਜਕਾਲ ਵਿਚ ‘ਬਹੁਤ ਜ਼ਿਆਦਾ ਗੁੱਸਾ ਫੁੱਟ ਕੇ ਸਾਹਮਣੇ ਆਇਆ ਹੈ, ਡਰ ਬਹੁਤ ਹੈ, ਵੰਡੀਆਂ ਵੀ ਵੱਡੇ ਪੱਧਰ ਉਤੇ ਪਾਈਆਂ ਗਈਆਂ ਹਨ।’ -ਪੀਟੀਆਈ

ਕਮਲਾ ਹੈਰਿਸ ਦੀ ਭੂਮਿਕਾ ਬੇਹੱਦ ਅਹਿਮ ਕਰਾਰ

Advertisement

ਜੋਅ ਬਿਡੇਨ ਨੇ ਨਾਮਜ਼ਦਗੀ ਸਵੀਕਾਰ ਕਰਦਿਆਂ ਉਪ ਰਾਸ਼ਟਰਪਤੀ ਦੇ ਅਹੁਦੇ ਲਈ ਉਮੀਦਵਾਰ ਭਾਰਤੀ-ਅਮਰੀਕੀ ਕਮਲਾ ਹੈਰਿਸ ਦੀ ਵੀ ਸਿਫ਼ਤ ਕੀਤੀ। ਉਨ੍ਹਾਂ ਕਿਹਾ ਕਿ ਕੈਲੀਫੋਰਨੀਆ ਦੀ ਸੈਨੇਟਰ ‘ਤਾਕਤਵਰ ਆਵਾਜ਼’ ਹੈ ਤੇ ਉਨ੍ਹਾਂ ਇਤਿਹਾਸ ਸਿਰਜਿਆ ਹੈ। ਭਾਰਤੀ-ਅਮਰੀਕੀ ਸੰਸਦ ਮੈਂਬਰ ਪ੍ਰਮਿਲਾ ਜੈਪਾਲ ਨੇ ਵੀ ਕਿਹਾ ਹੈ ਕਿ ਕਮਲਾ ਹੈਰਿਸ ਦੀ ਨਾਮਜ਼ਦਗੀ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਉਸ ਨੇ ਕਈ ਪਛਾਣਾਂ ਨੂੰ ਇਕੱਠਿਆਂ ਕਰ ਦਿੱਤਾ ਹੈ। ਉਹ ਕਈ ਭਾਈਚਾਰਿਆਂ ਦੇ ਧਿਆਨ ਦਾ ਕੇਂਦਰ ਬਣ ਗਈ ਹੈ ਜੋ ਹਾਲੇ ਤੱਕ ਖ਼ੁਦ ਨੂੰ ਅਣਗੌਲਿਆਂ ਮਹਿਸੂਸ ਕਰ ਰਹੇ ਸਨ। -ਪੀਟੀਆਈ

Advertisement
Tags :
ਇਕਜੁੱਟਤਾਸੱਦਾਹਨੇਰੇਟਾਕਰੇਬਿਡੇਨਵੱਲੋਂ
Advertisement