ਭੁਪਿੰਦਰ ਵਿਰਕ ਤੀਜੀ ਵਾਰ ਬਣੇ ਪੂਟਾ ਦੇ ਪ੍ਰਧਾਨ

ਸਰਬਜੀਤ ਸਿੰਘ ਭੰਗੂ
ਪਟਿਆਲਾ 3 ਨਵੰਬਰ
ਪੰਜਾਬੀ ਯੂਨੀਵਰਸਿਟੀ ਟੀਚਰ ਐਸੋਸੀਏਸ਼ਨ (ਪੂਟਾ) ਦੀਆਂ ਚੋਣਾਂ ਭਾਵੇਂ 9 ਨਵੰਬਰ ਨੂੰ ਹੋਣੀਆਂ ਸਨ। ਪ੍ਰੰਤੂ ਨਾਮਜ਼ਦਗੀਆਂ ਵਾਪਸ ਲੈਣ ਦੇ ਅੱਜ ਅੰਤਲੇ ਦਿਨ ਵਿਰੋਧੀ ਉਮੀਦਵਾਰਾਂ ਵੱਲੋਂ ਆਪਣੇ ਨਾਮ ਵਾਪਸ ਲੈਣ ਕਰਕੇ ਇਹ ਚੋਣ ਪ੍ਰਕਿਰਿਆ ਅੱਜ ਅਗਾਉਂ ਹੀ ਮੁਕੰਮਲ ਹੋ ਗਈ ਜਿਸ ਦੌਰਾਨ ਪ੍ਰੋਗਰੈਸਿਵ ਟੀਚਰ ਅਲਾਇੰਸ ਦੀ ਟੀਮ ਸਾਰੇ ਅਹੁਦਿਆਂ 'ਤੇ ਕਾਬਜ਼ ਹੋ ਗਈ ਹੈ। ਇਸ ਦੌਰਾਨ ਭੁਪਿੰਦਰ ਸਿੰਘ ਵਿਰਕ ਪੂਟਾ ਦੇ ਪ੍ਰਧਾਨ ਚੁਣੇ ਗਏ। ਉਹ ਤੀਜੀ ਵਾਰ ਪ੍ਰਧਾਨ ਬਣੇ ਹਨ ਕਿਉਂਕਿ ਇਸ ਤੋਂ ਪਹਿਲਾਂ 2018 ਅਤੇ 2020 ਵਿੱਚ ਵੀ ਉਹ ਪ੍ਰਧਾਨ ਰਹਿ ਚੁੱਕੇ ਹਨ।