ਯੂਥ ਫੈਸਟੀਵਲ ਦੇ ਅਖੀਰਲੇ ਦਿਨ ਭੰਗੜੇ ਨੇ ਦਰਸ਼ਕ ਕੀਲੇ

ਲਖਵਿੰਦਰ ਸਿੰਘ
ਮਲੋਟ, 8 ਨਵੰਬਰ
ਮਹਾਰਾਜਾ ਰਣਜੀਤ ਸਿੰਘ ਕਾਲਜ, ਮਲੋਟ ਵਿੱਚ ਚੱਲ ਰਿਹਾ ਪੰਜ ਰੋਜ਼ਾ ਯੂਥ ਫੈਸਟੀਵਲ ਆਪਣੀਆਂ ਅਮਿੱਟ ਯਾਦਾਂ ਨਾਲ ਸਮਾਪਤ ਹੋਇਆ। ਅਖੀਰਲੇ ਦਿਨ ਦੇ ਸਮਾਗਮ ਦੌਰਾਨ ਸ੍ਰੀ ਮੁਕਤਸਰ ਸਾਹਿਬ ਦੇ ਵਿਧਾਇਕ ਜਗਦੀਪ ਸਿੰਘ ਕਾਕਾ ਬਰਾੜ, ਯੂਥ ਅਕਾਲੀ ਦਲ ਦੇ ਸਰਬਜੀਤ ਸਿੰਘ ਝਿੰਜਰ, ਅਜੇਪਾਲ ਸਿੰਘ ਮਿੱਡੂ ਖੇੜਾ, ਓਐੱਸਡੀ ਗੁਰਚਰਨ ਸਿੰਘ, ਪਰਮਿੰਦਰ ਸਿੰਘ ਕੋਲਿਆਂਵਾਲੀ, ਸਰਪੰਚ ਨਵਜੀਤ ਸਿੰਘ, ਰੌਣਕੀ ਰਾਮ, ਲਿੱਪੀ ਈਨਾਂ ਸਰਪੰਚ ਜਸਦੀਪ ਸਿੰਘ ਛਾਪਿਆਂਵਾਲੀ, ਜਸਵਿੰਦਰ ਸਿੰਘ ਬਰਾੜ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਅਤੇ ਜੇਤੂ ਟੀਮਾਂ ਨੂੰ ਇਨਾਮ ਤਕਸੀਮ ਕੀਤੇ। ਫੈਸਟੀਵਲ ਦੌਰਾਨ, ਲੁੱਡੀ, ਝੁੰਮਰ ਅਤੇ ਭੰਗੜੇ ਤੋ ਖਿੱਚ ਦਾ ਕੇਂਦਰ ਰਹੇ। ਫੈਸਟੀਵਲ ਨੂੰ ਲੈ ਕੇ ਕਾਲਜ ਦੀ ਪ੍ਰਬੰਧਕੀ ਕਮੇਟੀ ਦੇ ਚੇਅਰਮੈਨ ਮਨਦੀਪ ਸਿੰਘ ਬਰਾੜ, ਜਨਰਲ ਸਕੱਤਰ ਲਖਵਿੰਦਰ ਸਿੰਘ ਰੋਹੀਵਾਲਾ, ਸਕੱਤਰ ਪ੍ਰਿਤਪਾਲ ਸਿੰਘ ਗਿੱਲ, ਦਲਜਿੰਦਰ ਸਿੰਘ ਬਿੱਲਾ ਸੰਧੂ, ਹਰਦੀਪ ਸਿੰਘ ਦੀਪ ਕੌਲਿਆਂਵਾਲੀ ਡਾਇਰੈਕਟਰ ਅਤੇ ਪ੍ਰਿੰਸੀਪਲ ਰਜਿੰਦਰ ਸਿੰਘ ਸੇਖੋਂ ਨੇ ਆਏ ਹੋਏ ਮਹਿਮਾਨਾਂ ਦਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਨੂੰ ਜੀ ਆਇਆਂ ਕਿਹਾ।