ਭਗਵੰਤ ਮਾਨ ਦੋ ਦਿਨਾ ਦੌਰੇ ’ਤੇ ਅਸਾਮ ਜਾਣਗੇ
09:01 AM Apr 12, 2024 IST
ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 11 ਅਪਰੈਲ
ਆਮ ਆਦਮੀ ਪਾਰਟੀ (ਆਪ) ਦੇ ਸੀਨੀਅਰ ਆਗੂ ਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਲੋਕ ਸਭਾ ਚੋਣਾਂ ਲਈ ਪ੍ਰਚਾਰ ਕਰਨ ਦੋ ਦਿਨਾ ਦੌਰੇ ’ਤੇ ਅਸਾਮ ਜਾਣਗੇ। ਉਥੇ ਉਹ 12 ਤੇ 13 ਅਪਰੈਲ ਨੂੰ ਵੱਖ-ਵੱਖ ਲੋਕ ਸਭਾ ਹਲਕਿਆਂ ’ਤੇ ਚੋਣ ਪ੍ਰਚਾਰ ਕਰਨਗੇ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੁੱਖ ਮੰਤਰੀ ਵੱਲੋਂ 12 ਅਪਰੈਲ 2024 ਨੂੰ ਅਸਾਮ ਦੇ ਲੋਕ ਸਭਾ ਹਲਕਾ ਡਿਗਬੋਈ ਅਤੇ 13 ਅਪਰੈਲ 2014 ਨੂੰ ਹਲਕਾ ਵਿਸ਼ਵਨਾਥ ਵਿਖੇ ਚੋਣ ਰੈਲੀਆਂ ਨੂੰ ਸੰਬੋਧਨ ਕੀਤਾ ਜਾਵੇਗਾ। ‘ਆਪ’ ਅਸਾਮ ਵਿੱਚ ਦੋ ਸੀਟਾਂ ’ਤੇ ਲੋਕ ਸਭਾ ਚੋਣ ਲੜ ਰਹੀ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਮਾਨ ਦਿੱਲੀ ਵਿੱਚ ਹਨ, ਜਿੱਥੇ ਲੋਕ ਸਭਾ ਚੋਣਾਂ ਸਬੰਧੀ ਰਣਨੀਤੀ ਤਿਆਰ ਕੀਤੀ ਜਾ ਰਹੀ ਹੈ। ਦਿੱਲੀ ਤੋਂ ਹੀ ਉਹ 12 ਅਪਰੈਲ ਨੂੰ ਸਵੇਰੇ ਅਸਾਮ ਰਵਾਨਾ ਹੋਣਗੇ।
Advertisement
Advertisement
Advertisement