ਕੁਸ਼ਤੀ ਮੁਕਾਬਲਿਆਂ ’ਚ ਬੇਲਾ ਕਾਲਜ ਦੀ ਝੰਡੀ

ਸੰਜੀਵ ਬੱਬੀ
ਚਮਕੌਰ ਸਾਹਿਬ, 19 ਨਵੰਬਰ
ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ ਕਾਲਜ ਬੇਲਾ ਦੀ ਕੁਸ਼ਤੀ ਟੀਮ ਨੇ ਪੰਜਾਬੀ ਯੂਨੀਵਰਸਿਟੀ ਦੇ ਅੰਤਰ-ਕਾਲਜ ਕੁਸ਼ਤੀ ਮੁਕਾਬਲੇ ਵਿੱਚ ਓਵਰਆਲ ਦੂਜੀ ਪੁਜੀਸ਼ਨ ਪ੍ਰਾਪਤ ਕੀਤੀ। ਕਾਲਜ ਪ੍ਰਿੰਸੀਪਲ ਡਾ. ਸਤਵੰਤ ਕੌਰ ਸ਼ਾਹੀ ਨੇ ਦੱਸਿਆ ਕਿ 125 ਕਿਲੋ ਭਾਰ ਵਰਗ ਵਿਚ ਤਾਲਬ ਹੁਸੈਨ ਨੇ ਸੋਨੇ ਦਾ ਤਗ਼ਮਾ, 86 ਕਿਲੋ ਵਿੱਚ ਸੌਰਿਆ ਪਠਾਣੀਆ ਨੇ ਚਾਂਦੀ ਦਾ ਤਗ਼ਮਾ, 79 ਕਿਲੋ ਵਿਚ ਗਗਨਦੀਪ, 70 ਕਿਲੋ ਵਿੱਚ ਬਲਦੇਵ ਸਿੰਘ ਅਤੇ 57 ਕਿਲੋ ਵਿਚ ਕਰਨਵੀਰ ਸਿੰਘ ਨੇ ਚਾਂਦੀ ਦਾ ਤਗ਼ਮਾ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ 97 ਕਿਲੋ ਵਿੱਚ ਗੁਰਜੀਤ ਸਿੰਘ ਤੇ 74 ਕਿਲੋ ਵਿਚ ਜਸਕਰਨ ਸਿੰਘ ਨੇ ਕਾਂਸੀ ਦਾ ਤਗ਼ਮਾ ਹਾਸਲ ਕੀਤਾ। ਗਰੀਕੋ ਰੋਮਨ ਕੁਸ਼ਤੀ ਮੁਕਾਬਲਿਆਂ ਵਿੱਚ ਗੁਰਨਾਮ ਸਿੰਘ 130 ਕਿਲੋ ਵਿੱਚ, ਸੈਫ ਉੱਲਾ 87 ਕਿਲੋ ਅਤੇ ਗਗਨਦੀਪ ਸਿੰਘ ਨੇ 77 ਕਿਲੋ ਵਿੱਚ ਕਾਂਸੀ ਦਾ ਤਗ਼ਮਾ ਪ੍ਰਾਪਤ ਕੀਤਾ। ਡਾ. ਮਮਤਾ ਅਰੋੜਾ ਨੇ ਦੱਸਿਆ ਕਿ ਕਾਲਜ ਕਮੇਟੀ ਦੇ ਪ੍ਰਧਾਨ ਸੰਗਤ ਸਿੰਘ ਲੌਂਗੀਆ, ਸਕੱਤਰ ਜਗਵਿੰਦਰ ਸਿੰਘ ਪੰਮੀ ਤੇ ਮੈਨੇਜਰ ਸੁਖਵਿੰਦਰ ਸਿੰਘ ਵਿਸਕੀ ਨੇ ਵਿਦਿਆਰਥੀਆਂ ਤੇ ਕੋਚ ਪ੍ਰਿਤਪਾਲ ਸਿੰਘ ਅਤੇ ਅਮਰਜੀਤ ਸਿੰਘ ਦੀ ਸ਼ਲਾਘਾ ਕੀਤੀ।