ਫੈਕਟਰੀ ਵਿੱਚੋਂ 1.16 ਕਰੋੜ ਦੀਆਂ ਪਾਬੰਦੀਸ਼ੁਦਾ ਗੋਲੀਆਂ ਤੇ ਕੈਪਸੂਲ ਬਰਾਮਦ

ਨਿੱਜੀ ਪੱਤਰ ਪ੍ਰੇਰਕ
ਬਰਨਾਲਾ, 1 ਜੁਲਾਈ
ਬਰਨਾਲਾ ਪੁਲੀਸ ਨੇ ਗੁਪਤ ਸੂਚਨਾ ਦੇ ਆਧਾਰ ’ਤੇ ਸਥਾਨਕ ਨਾਈਵਾਲਾ ਰੋਡ ’ਤੇ ਸਥਿਤ ਦਵਾਈਆਂ ਦੀ ਫੈਕਟਰੀ ’ਚੋਂ ਿੲਕ ਕਰੋੜ 16 ਲੱਖ ਰੁਪਏ ਦੀਆਂ ਪਾਬੰਦੀਸ਼ੁਦਾ ਦਵਾਈਆਂ ਤੇ ਦਵਾਈਆਂ ਬਣਾਉਣ ’ਚ ਵਰਤਿਆਂ ਜਾਣ ਵਾਲਾ ਸਾਮਾਨ ਜ਼ਬਤ ਕਰ ਕੇ ਚਾਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਤੇ 4 ਮੁਲਜ਼ਮ ਫਰਾਰ ਦੱਸੇ ਜਾ ਰਹੇ ਹਨ। ਪੁਲੀਸ ਨੇ ਫੈਕਟਰੀ ’ਚ 95,060 ਕੈਪਸੂਲ ਅਤੇ 2 ਲੱਖ 17 ਹਜ਼ਾਰ 940 ਗੋਲੀਆਂ ਬਰਾਮਦ ਕੀਤੀਆਂ ਹਨ। ਡੀਐੱਸਪੀ ਸਤਵੀਰ ਸਿੰਘ ਅਤੇ ਥਾਣਾ ਸਿਟੀ ਇੰਚਾਰਜ ਬਲਜੀਤ ਸਿੰਘ ਢਿੱਲੋਂ ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਕੰਪਨੀ ਦੇ ਡਾਇਰੈਕਟਰ ਸ਼ਿਸੂ ਪਾਲ­, ਮਾਲਕ ਦਿਨੇਸ਼ ਬਾਂਸਲ­, ਡਰਾਈਵਰ ਸੁਖਰਾਜ ਸਿੰਘ ਤੇ ਕੰਪਨੀ ਦੇ ਪੈਕਿੰਗ ਮੈਨੇਜਰ ਲਵਕੁਸ਼ ਯਾਦਵ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਨਿਸ਼ਾ ਰਾਣੀ­, ਸੰਜੈ ਸਿੰਘ­, ਵਿਧੂ ਦੱਤ ਤੇ ਜਤਿੰਦਰ ਕੁਮਾਰ ਫਰਾਰ ਹਨ।