ਬੰਬੀਹਾ ਗੈਂਗ ਦਾ ਤਸਕਰ ਗਾਂਜੇ ਤੇ ਪਿਸਤੌਲ ਸਣੇ ਕਾਬੂ
07:22 AM Feb 04, 2025 IST
Advertisement
ਪੱਤਰ ਪ੍ਰੇਰਕ
ਟੋਹਾਣਾ, 3 ਫਰਵਰੀ
ਨਸ਼ਾ ਤਸਕਰੀ ਦੇ ਕਈ ਮਾਮਲਿਆਂ ਵਿੱਚ ਫ਼ਰਾਰ ਚਲ ਰਹੇ ਬੰਬੀਹਾ ਗੈਂਗ ਦੇ ਮੈਂਬਰ ਰਾਵਿੰਦਰ ਉਰਫ਼ ਫੌਜੀ ਨੂੰ ਹਰਿਆਣਾ ਸੂਬਾ ਨਾਰਕੋਟਿਕਸ ਬਿਊਰੋ ਫਤਿਹਾਬਾਦ ਨੇ 11.880 ਕਿੱਲੋ ਗਾਂਜੇ, ਪਿਸਤੌਲ ਤੇ 17 ਕਾਰਤੂਸਾਂ ਸਣੇ ਗ੍ਰਿਫ਼ਤਾਰ ਕੀਤਾ ਹੈ। ਫਤਿਹਾਬਾਦ ਪੁਲੀਸ ਨੇ ਮੁਲਜ਼ਮ ਦਾ ਤਿੰਨ ਦਿਨ ਦਾ ਪੁੁਲੀਸ ਰਿਮਾਂਡ ਲੈ ਕੇ ਜਾਂਚ ਆਰੰਭ ਦਿੱਤੀ ਹੈ। ਨੋਡਲ ਅਧਿਕਾਰੀ ਡੀਐੱਸਪੀ ਜੁਗਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲੀਸ ਨੂੰ ਸੂਚਨਾ ਮਿਲਣ ’ਤੇ ਤਸਕਰ ਨੂੰ ਗੁਗਾਨਾ ਬੱਸ ਅੱਡੇ ਤੋਂ ਕਾਬੂ ਕੀਤਾ ਗਿਆ, ਜਦੋਂ ਕਿ ਉਸ ਦੇ ਦੋ-ਤਿੰਨ ਸਾਥੀ ਮੌਕੇ ਤੋਂ ਫ਼ਰਾਰ ਹੋ ਗਏ। ਨਸ਼ਾ ਤਸਕਰ ਮੋਟਰਸਾਈਕਲ ਤੇ ਕਾਰ ਵਿੱਚ ਫ਼ਰਾਰ ਹੋਏ ਹਨ। ਡੀਐੱਸਪੀ ਨੇ ਦੱਸਿਆ ਕਿ ਰਾਵਿੰਦਰ ’ਤੇ 24 ਤੋਂ ਵੱਧ ਕੇਸ ਦਰਜ ਹਨ। ਉਸ ਉੱਤੇ ਜੀਂਦ ਜ਼ਿਲ੍ਹੇ ਵਿੱਚ 15, ਪਾਨੀਪਤ ਵਿੱਚ 4, ਕਰਨਾਲ ਵਿੱਚ 3, ਸੋਨੀਪਤ ਵਿੱਚ 2 ਮਾਮਲੇ ਦਰਜ ਹਨ।
Advertisement
Advertisement
Advertisement