ਬਾਦਸ਼ਾਹ ਵੱਲੋਂ ਹਨੀ ਸਿੰਘ ਨਾਲ ਨਾਰਾਜ਼ਗੀ ਖਤਮ

ਨਵੀਂ ਦਿੱਲੀ: ਗਾਇਕ ਅਤੇ ਰੈਪਰ ਬਾਦਸ਼ਾਹ ਨੇ ਦੇਹਰਾਦੂਨ ਵਿੱਚ ਇੱਕ ਸੰਗੀਤ ਪ੍ਰੋਗਰਾਮ ਦੌਰਾਨ ਆਪਣੇ ਪੁਰਾਣੇ ਸਾਥੀ ਰੈਪਰ ਹਨੀ ਸਿੰਘ ਨਾਲ ਨਾਰਾਜ਼ਗੀ ਖ਼ਤਮ ਕਰ ਲਈ ਹੈ। ਬਾਦਸ਼ਾਹ ਨੇ ਅੱਜ ‘ਗ੍ਰਾਫੈਸਟ 2024’ ਵਿੱਚ ਆਪਣੀ ਪੇਸ਼ਕਾਰੀ ਦੌਰਾਨ ਕਿਹਾ, ‘‘ਮੇਰੀ ਜ਼ਿੰਦਗੀ ਵਿੱਚ ਇੱਕ ਸਮਾਂ ਸੀ ਜਦੋਂ ਮੈਂ ਹਨੀ ਸਿੰਘ ਨਾਲ ਈਰਖਾ ਕਰਦਾ ਸੀ ਅਤੇ ਹੁਣ ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਉਸ ਈਰਖਾ ਨੂੰ ਪਿੱਛੇ ਛੱਡੋ ਅਤੇ ਅੱਗੇ ਵਧੋ।’’ ਉਸ ਨੇ ਕਿਹਾ, ‘‘ਮੈਂ ਕੁਝ ਗਲਤਫਹਿਮੀਆਂ ਕਾਰਨ ਦੁਖੀ ਸੀ ਪਰ ਮੈਨੂੰ ਅਹਿਸਾਸ ਹੋਇਆ ਕਿ ਜਦੋਂ ਅਸੀਂ ਇਕੱਠੇ ਸੀ ਤਾਂ ਜੋੜਨ ਵਾਲੇ ਬਹੁਤ ਘੱਟ ਅਤੇ ਤੋੜਨ ਵਾਲੇ ਜ਼ਿਆਦਾ ਸਨ। ਅੱਜ ਮੈਂ ਸਾਰਿਆਂ ਨੂੰ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਮੈਂ ਉਸ ਸਮੇਂ ਨੂੰ ਪਿੱਛੇ ਛੱਡ ਦਿੱਤਾ ਹੈ ਅਤੇ ਮੈਂ ਉਸ ਨੂੰ ਸ਼ੁਭਕਾਮਨਾਵਾਂ ਦਿੰਦਾ ਹਾਂ।’’ -ਪੀਟੀਆਈ