ਬੈਡਮਿੰਟਨ: ਸਾਤਵਿਕ-ਚਿਰਾਗ ਦੀ ਜੋੜੀ ਫਰੈਂਚ ਓਪਨ ਦੇ ਫਾਈਨਲ ਵਿਚ ਦਾਖ਼ਲ

ਪੈਰਿਸ, 10 ਮਾਰਚ
ਭਾਰਤੀ ਸ਼ਟਲਰ ਸਾਤਵਿਕਸਾਈਰਾਜ ਰੰਕੀਰੈੱਡੀ ਤੇ ਚਿਰਾਗ ਸ਼ੈੱਟੀ ਦੀ ਵਿਸ਼ਵ ਦੀ ਨੰਬਰ ਇਕ ਡਬਲਜ਼ ਜੋੜੀ ਦੱਖਣੀ ਕੋਰੀਆ ਦੇ ਸੀਓ ਸਿਓਂਗ ਜੇਅ ਤੇ ਕੈਂਗ ਮਿਨ ਹਿਊਕ ਦੀ ਜੋੜੀ ਨੂੰ ਸਿੱਧੇ ਸੈੱਟਾਂ 21-13, 21-16 ਨਾਲ ਹਰਾ ਕੇ ਫਰੈਂਚ ਓਪਨ ਸੁਪਰ 750 ਟੂਰਨਾਮੈਂਟ ਦੇ ਪੁਰਸ਼ਾਂ ਦੇ ਡਬਲਜ਼ ਵਰਗ ਦੇ ਫਾਈਨਲ ਵਿਚ ਪਹੁੰਚ ਗਈ ਹੈ। ਭਾਰਤੀ ਜੋੜੀ ਦਾ ਇਸ ਸਾਲ ਇਹ ਲਗਾਤਾਰ ਤੀਜਾ ਫਾਈਨਲ ਤੇ ਇਸ ਟੂਰਨਾਮੈਂਟ ਦਾ ਇਹ ਤੀਜਾ ਖਿਤਾਬੀ ਮੁਕਾਬਲਾ ਹੈ। ਭਾਰਤੀ ਜੋੜੀ ਫਾਈਨਲ ਵਿਚ ਚੀਨੀ ਤਾਇਪੇ ਦੇ ਲੀ ਝੀ-ਹਿਊਈ ਤੇ ਯੈਂਗ ਪੋ-ਸੁਆਨ ਨਾਲ ਖੇਡੇਗੀ। ਉਧਰ ਭਾਰਤ ਦਾ ਲਕਸ਼ੈ ਸੈਨ ਵਿਸ਼ਵ ਚੈਂਪੀਅਨ ਥਾਈਲੈਂਡ ਦੇ ਕੁਨਲੈਵੁਟ ਵਿਤਿਦਸਾਰਨ ਕੋਲੋਂ ਸਿੰਗਲਜ਼ ਵਰਗ ਦੇ ਸੈਮੀਫਾਈਨਲ ਵਿਚ ਸਵਾ ਘੰਟੇ ਦੇ ਕਰੀਬ ਚੱਲੇ ਮੁਕਾਬਲੇ ਵਿਚ 20-22, 21-13, 21-11 ਨਾਲ ਹਾਰ ਗਿਆ। -ਪੀਟੀਆਈ