ਬਾਬਾ ਖਾਟੂ ਸ਼ਿਆਮ ਦਾ ਜਨਮ ਦਿਹਾੜਾ ਮਨਾਇਆ

ਭੁੱਚੋ ਮੰਡੀ:

ਪੰਚਾਇਤੀ ਸ਼ਿਵ ਮੰਦਰ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਪ੍ਰਧਾਨ ਨਰਦੀਪ ਗਰਗ, ਮਨੋਜ ਟੈਣੀ ਅਤੇ ਲਾਜਪਤ ਰਾਏ ਲੱਕੀ ਦੀ ਅਗਵਾਈ ਹੇਠ ਬਾਬਾ ਖਾਟੂ ਸ਼ਿਆਮ ਦਾ ਜਨਮ ਦਿਹਾੜਾ ਮਨਾਇਆ ਗਿਆ। ਸ਼ਰਧਾਲੂਆਂ ਨੇ ਸਵੇਰੇ ਬਾਬੇ ਦਾ ਅਲੌਕਿਕ ਸ਼ਿੰਗਾਰ ਕੀਤਾ ਅਤੇ ਰਾਤ ਸਮੇਂ ਵਿਸ਼ਾਲ ਸੰਕੀਰਤਨ ਕੀਤਾ। ਬਾਬੇ ਦਾ ਸੁੰਦਰ ਦਰਬਾਰ ਸਜਾਇਆ ਗਿਆ ਅਤੇ ਭੋਗ ਲਾਇਆ। ਮੰਦਰ ਕਮੇਟੀ ਦੇ ਮੈਨੇਜਰ ਮਨੋਜ ਟੈਣੀ ਨੇ ਪਰਿਵਾਰ ਸਮੇਤ ਸ਼ਰਧਾ ਨਾਲ ਪੂਜਾ ਅਰਚਨਾ ਕੀਤੀ। ਮੰਦਰ ਕਮੇਟੀ ਦੇ ਪ੍ਰਧਾਨ ਨਰਦੀਪ ਗਰਗ ਨੇ ਜੋਤੀ ਜਗਾਈ। ਇਸ ਮੌਕੇ ਟੀ ਸੀਰੀਜ਼ ਅਤੇ ਦਿਵਿਆ ਚੈਨਲ ਕਲਾਕਾਰ ਬ੍ਰਿਜ ਕੀ ਮਹਿਕ ਨੇ ਆਪਣੀ ਸੁਰੀਲੀ ਆਵਾਜ਼ ਵਿੱਚ ਬਾਬੇ ਦਾ ਗੁਣਗਾਨ ਕੀਤਾ। ਇਸ ਮੌਕੇ ਸੰਦੀਪ ਬਾਂਸਲ, ਅਮਿਤ ਬੱਬੂ, ਵਿਜੇ ਕੁਮਾਰ, ਵਿੱਕੀ ਗੁਪਤਾ, ਸੁਰਿੰਦਰ ਕਾਕੂ, ਲਵਲੀ ਗੋਇਲ, ਮੰਗਤ ਰਾਏ, ਸੰਜੀਵ ਬਿੰਟਾ, ਸੰਜੀਵ ਨਿੱਕਾ ਅਤੇ ਵੀਕੇ ਭੱਪ ਨੇ ਸਹਿਯੋਗ ਦਿੱਤਾ। -ਪੱਤਰ ਪ੍ਰੇਰਕ