ਆਯੂੁਸ਼ਮਾਨ ਦੀ ‘ਡਰੀਮ ਗਰਲ 2’ ਦਾ ਟਰੇਲਰ ਰਿਲੀਜ਼

ਮੁੰਬਈ: ਅਦਾਕਾਰ ਆਯੂਸ਼ਮਾਨ ਖੁਰਾਨਾ ਅਤੇ ਅਨੰਨਿਆ ਪਾਂਡੇ ਨੇ ਅੱਜ ਆਪਣੀ ਆਉਣ ਵਾਲੀ ਫਿਲਮ ‘ਡਰੀਮ ਗਰਲ 2’ ਦੇ ਟਰੇਲਰ ਰਿਲੀਜ਼ ਸਮਾਗਮ ਵਿੱਚ ਸ਼ਿਰਕਤ ਕੀਤੀ। ਆਯੂਸ਼ਮਾਨ ਨੇ ਪੀਲੇ ਬਾਰਡਰਾਂ ਵਾਲੀ ਕਾਲੀ ਅਤੇ ਚਿੱਟੀ ਜੈਕੇਟ ਪਾਈ ਹੋਈ ਸੀ। ਇਸ ਦੇ ਹੇਠਾਂ ਉਸ ਨੇ ਕਾਲੀ ਟੀ-ਸ਼ਰਟ ਪਾਈ ਸੀ, ਜਿਸ ’ਤੇ ‘ਕਰਮ ਹੀ ਪੂਜਾ ਹੈ’ ਲਿਖਿਆ ਹੋਇਆ ਸੀ। ਇਸ ਦੌਰਾਨ ਚਿੱਟੀ ਟੀ-ਸ਼ਰਟ ਅਤੇ ਟਰਾਊਜ਼ਰ ਪਾ ਕੇ ਆਈ ਅਨੰਨਿਆ ਵੀ ਬਹੁਤ ਖੂਬਸੂਰਤ ਲੱਗ ਰਹੀ ਸੀ। ਟਰੇਲਰ ਦੇਖ ਕੇ ਸਾਰੇ ਖੂਬ ਹੱਸੇ। ਫਿਲਮ ਵਿੱਚ ਆਯੂਸ਼ਮਾਨ ਪੂਜਾ ਨਾਮ ਦੀ ਔਰਤ ਦਾ ਕਿਰਦਾਰ ਨਿਭਾਉਂਦਾ ਨਜ਼ਰ ਆਵੇਗਾ। ਉਹ ਇਸ ਵਾਰ ਪੂਜਾ ਵਾਂਗ ਸਿਰਫ ਬੋਲਦਾ ਹੀ ਨਹੀਂ ਸਗੋਂ ਕੱਪੜੇ ਵੀ ਉਸੇ ਵਾਂਗ ਪਾਉਂਦਾ ਹੈ। ਫਿਲਮ 25 ਅਗਸਤ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੇਗੀ। -ਏਐੱਨਆਈ