ਜੀਐੱਸਟੀ ਬਾਰੇ ਜਾਗਰੂਕਤਾ ਕੈਂਪ

ਪਾਤੜਾਂ:

ਐਕਸਾਈਜ਼ ਅਤੇ ਟੈਕਸੇਸ਼ਨ ਵਿਭਾਗ ਪੰਜਾਬ ਵੱਲੋਂ ਏਈਟੀਸੀ ਕੰਨੂ ਗਰਗ ਦੀ ਅਗਵਾਈ ਵਿੱਚ ਆਮ ਲੋਕਾਂ ਨੂੰ ਸੇਵਾਵਾਂ ਦੇਣ ਵਾਲੀਆਂ ਫਰਮਾਂ ਨੂੰ ਜੀਐਸਟੀ ਸਬੰਧੀ ਜਾਗਰੂਕ ਅਤੇ ਰਜਿਸਟਰੇਸ਼ਨ ਕਰਵਾਉਣ ਲਈ ਵਿਭਾਗ ਵੱਲੋਂ ਚਲਾਈ ਗਈ ਜਾਗਰੂਕਤਾ ਮੁਹਿੰਮ ਜੀਐੱਸਟੀ ਰਜਿਸਟਰੇਸ਼ਨ ਮੁਹਿੰਮ ਤਹਿਤ ਕਾਰ ਬਾਜ਼ਾਰ ਅਤੇ ਪ੍ਰਾਚੀਨ ਸ਼ਿਵ ਮੰਦਰ ਪਾਤੜਾਂ ਵਿਖੇ ਕੈਂਪ ਲਗਾਏ ਗਏ। ਇਨ੍ਹਾਂ ਕੈਂਪਾਂ ਦੌਰਾਨ ਫਰਮਾਂ ਦੇ ਮਾਲਕਾਂ ਨੂੰ ਜੀਐੱਸਟੀ ਦੇ ਨਿਯਮਾਂ ਸਬੰਧੀ ਜਾਣਕਾਰੀ ਦੇਣ ਦੇ ਨਾਲ ਮੌਕੇ ਉੱਤੇ ਹੀ ਰਜਿਸਟਰੇਸ਼ਨ ਕਰਵਾਈ ਗਈ।‌ ਈਟੀਓ ਪੂਜਾ ਗੁਪਤਾ ਅਤੇ ਇੰਸਪੈਕਟਰ ਨਵਜੋਤ ਕੌਰ ਨੇ ਜੀਐੱਸਟੀ ਸਬੰਧੀ ਦਰਪੇਸ਼ ਮੁਸ਼ਕਲਾਂ ਦਾ ਮੌਕੇ ’ਤੇ ਹੀ ਹੱਲ ਕੀਤਾ।‌ ਇਸ ਮੌਕੇ ਐਡਵੋਕੇਟ ਗੋਬਿੰਦ ਗਰਗ, ਸੀਏ ਰਾਜੇਸ਼ ਜਾਗਨ ਅਤੇ ਐਡਵੋਕੇਟ ਮਨੀਸ਼ ਗਰਗ ਮੌਜੂਦ ਸਨ। -ਪੱਤਰ ਪ੍ਰੇਰਕ