ਲਿਬਨਾਨ ਸਥਿਤ ਅਮਰੀਕੀ ਦੂਤਾਵਾਸ ’ਤੇ ਹਮਲੇ ਦੀ ਕੋਸ਼ਿਸ਼

ਬੈਰੂਤ:

ਲਿਬਨਾਨ ਦੀ ਰਾਜਧਾਨੀ ਬੈਰੂਤ ਨੇੜੇ ਅਮਰੀਕੀ ਦੂਤਾਵਾਸ ਦੇ ਬਾਹਰ ਗੋਲੀਬਾਰੀ ਮਗਰੋਂ ਲਿਬਨਾਨੀ ਸੈਨਿਕਾਂ ਨੇ ਇੱਕ ਬੰਦੂਕਧਾਰੀ ਨੂੰ ਗੋਲੀ ਮਾਰ ਕੇ ਫੜ ਲਿਆ ਹੈ। ਇਹ ਜਾਣਕਾਰੀ ਸੈਨਾ ਨੇ ਦਿੱਤੀ। ਹਾਲਾਂਕਿ ਹਮਲਾਵਰਾਂ ਦੀ ਗਿਣਤੀ ਚਾਰ ਦੱਸੀ ਜਾ ਰਹੀ ਹੈ। ਇਹ ਹਮਲਾ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਇਸ ਭੂ-ਮੱਧ ਸਾਗਰੀ ਦੇਸ਼ ’ਚ ਤਣਾਅ ਜਾਰੀ ਹੈ ਤੇ ਜਿੱਥੇ ਹਿਜ਼ਬੁੱਲ੍ਹਾ ਅਤਿਵਾਦੀਆਂ ਤੇ ਇਜ਼ਰਾਇਲੀ ਸੈਨਿਕਾਂ ਵਿਚਾਲੇ ਕਈ ਮਹੀਨਿਆਂ ਤੋਂ ਚੱਲ ਰਹੀ ਲੜਾਈ ਅਤੇ ਸਾਲਾਂ ਦੇ ਸਿਆਸੀ ਅੜਿੱਕੇ ਤੇ ਵਿੱਤੀ ਮੁਸ਼ਕਲਾਂ ਕਾਰਨ ਸਰਹੱਦ ’ਤੇ ਹਜ਼ਾਰਾਂ ਲੋਕ ਬੇਘਰ ਹੋਏ ਹਨ। -ਏਪੀ