ਗੁਰੂਗ੍ਰਾਮ ’ਚ ਮੀਟ ਦੀ ਦੁਕਾਨ ’ਤੇ ਹਮਲਾ, ਦੁਕਾਨਦਾਰ ਜ਼ਖ਼ਮੀ

ਗੁਰੂਗ੍ਰਾਮ, 8 ਅਗਸਤ
ਇਥੋਂ ਦੇ ਸੀਆਰਪੀਐੱਫ ਚੌਕ ਨੇੜੇ ਮੀਟ ਦੀ ਦੁਕਾਨ 'ਤੇ ਹਮਲਾਵਾਰਾਂ ਦੇ ਸਮੂਹ ਨੇ ਕਥਿਤ ਤੌਰ 'ਤੇ ਪਥਰਾਅ ਕੀਤਾ। ਪੱਥਰਬਾਜ਼ੀ ਕਾਰਨ ਮੀਟ ਦੀ ਦੁਕਾਨ ਦੀ ਖਿੜਕੀ ਦੇ ਸ਼ੀਸ਼ੇ ਟੁੱਟ ਗਏ। ਮੁਹੰਮਦ ਜਾਵੇਦ, ਜੋ ਕਿਰਾਏ 'ਤੇ ਦੁਕਾਨ ਚਲਾਉਂਦਾ ਹੈ, ਨੂੰ ਹਮਲੇ 'ਚ ਮਾਮੂਲੀ ਸੱਟਾਂ ਲੱਗੀਆਂ। ਹਾਲਾਂਕਿ ਪੁਲੀਸ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਇਹ ਹਮਲਾ ਹਰਿਆਣਾ ਵਿੱਚ ਹਾਲ ਹੀ ਵਿੱਚ ਹੋਈ ਫਿਰਕੂ ਹਿੰਸਾ ਨਾਲ ਸਬੰਧਤ ਸੀ।