ਏਸ਼ਿਆਈ ਕੁਆਲੀਫਾਇਰ: ਭਾਰਤ ਦੇ ਪਹਿਲਵਾਨਾਂ ਨੇ ਕੀਤਾ ਨਿਰਾਸ਼

ਬਿਸ਼ਕੇਕ: ਭਾਰਤ ਦੇ ਗ੍ਰੀਕੋ ਰੋਮਨ ਪਹਿਲਵਾਨਾਂ ਨੇ ਅੱਜ ਇੱਥੇ ਏਸ਼ਿਆਈ ਓਲੰਪਿਕ ਕੁਆਲੀਫਾਇਰ ’ਚ ਨਿਰਾਸ਼ਜਨਕ ਪ੍ਰਦਰਸ਼ਨ ਕੀਤਾ ਤੇ ਕੋਈ ਵੀ ਓਲੰਪਿਕ ਕੋਟਾ ਹਾਸਲ ਨਹੀ ਕਰ ਸਕੇ। ਦੇਸ਼ ਵੱਲੋਂ ਸਿਰਫ ਸੁਨੀਲ (87 ਕਿਲੋ) ਹੀ ਇੱਕ ਮੁਕਾਬਲਾ ਜਿੱਤ ਸਕਿਆ ਜਦਕਿ ਬਾਕੀ ਪਹਿਲਵਾਨ ਪਹਿਲੇ ਦੌਰ ’ਚ ਹੀ ਹਾਰ ਕੇ ਬਾਹਰ ਹੋ ਗਏ। ਸੁਨੀਲ ਨੇ ਪਹਿਲੇ ਮੈਚ ’ਚ ਜਾਪਾਨ ਦੇ ਸੋਹ ਸਾਕਾਬੇ ਨੂੰ 5-1 ਨਾਲ ਹਰਾਇਆ ਪਰ ਕੁਆਰਟਰ ਫਾਈਨਲ ’ਚ ਉਹ ਉਜ਼ਬੇਕਿਸਤਾਨ ਦੇ ਜਲਗਾਸਬੇ ਬਰਡੀਮੁਰਾਤੋਵ ਤੋਂ 2-4 ਨਾਲ ਹਾਰ ਗਿਆ। ਅੰਸ਼ੂ (67 ਕਿਲੋ), ਸੁਮਿਤ (60 ਕਿਲੋ), ਵਿਕਾਸ (77 ਕਿਲੋ), ਨਿਤੇਸ਼ (97 ਕਿਲੋ) ਤੇ ਨਵੀਨ (130 ਕਿਲੋ) ਪਹਿਲੇ ਦੌਰ ’ਚ ਹੀ ਹਾਰ ਗਏ। -ਪੀਟੀਆਈ