ਜਨਤਕ ਥਾਂ ’ਤੇ ਸ਼ਰਾਬ ਪੀਣ ਦੇ ਦੋਸ਼ ਹੇਠ ਕਾਬੂ

ਲੁਧਿਆਣਾ: ਥਾਣਾ ਡਿਵੀਜ਼ਨ ਨੰਬਰ 5 ਦੀ ਪੁਲੀਸ ਨੇ ਦੋ ਜਣਿਆਂ ਨੂੰ ਜਨਤਕ ਥਾਂ ’ਤੇ ਸ਼ਰਾਬ ਪੀਂਦਿਆਂ ਕਾਬੂ ਕੀਤਾ ਹੈ। ਥਾਣੇਦਾਰ ਹਰਭਜਨ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਪਾਰਟੀ ਗਸ਼ਤ ਕਰਦੇ ਹੋਏ ਅਮਨ ਚਿਕਨ ਸ਼ਾਪ ਵੱਲ ਜਾ ਰਹੀ ਸੀ ਤਾਂ ਤਰੁਣਜੀਤ ਸਿੰਘ ਵਾਸੀ ਦੁੱਗਰੀ ਫੇਸ-2 ਅਤੇ ਮਨੀ ਵਾਸੀ ਲੁਧਿਆਣਾ ਅਮਨ ਚਿਕਨ ਸ਼ਾਪ ਦੇ ਬਾਹਰ ਰੋਡ ਦੇ ਕਿਨਾਰੇ ਥਾਰ ਦੇ ਬੋਨਟ ਉਪਰ ਸ਼ਰਾਬ ਦੀ ਬੋਤਲ ਰੱਖ ਕੇ ਸ਼ਰੇਆਮ ਸ਼ਰਾਬ ਪੀ ਰਹੇ ਸਨ। ਪੁਲੀਸ ਨੇ ਤਰੁਣਜੀਤ ਸਿੰਘ ਨੂੰ ਕਾਬੂ ਕਰਕੇ 100 ਪਾਇਪਰ ਅੰਗਰੇਜ਼ੀ ਸ਼ਰਾਬ ਦੀ ਬੋਤਲ ਅਤੇ ਹੋਰ ਸਮੱਗਰੀ ਬਰਾਮਦ ਕੀਤੇ ਹਨ। -ਨਿੱਜੀ ਪੱਤਰ ਪ੍ਰੇਰਕ