ਸੱਟਾ ਲਾਉਣ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ

ਲੁਧਿਆਣਾ: ਥਾਣਾ ਮਾਡਲ ਟਾਊਨ ਦੀ ਪੁਲੀਸ ਨੇ ਸੱਟਾ ਲਗਾਉਣ ਦੇ ਦੋਸ਼ ਤਹਿਤ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਥਾਣੇਦਾਰ ਅਮਰੀਕ ਸਿੰਘ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਗਸ਼ਤ ਦੇ ਸਬੰਧ ਵਿੱਚ ਡੱਬੂ ਚਿੱਕਨ ਨੇੜੇ ਧੂਰੀ ਲਾਈਨਾਂ ਮੌਜੂਦ ਸੀ ਕਿ ਸ਼ੇਰ ਚੰਦ ਵਾਸੀ ਮੁਹੱਲਾ ਕਮਲਾ ਨਗਰ ਨੂੰ ਆਪਣੇ ਘਰ ਨੇੜੇ ਸ਼ਰ੍ਹੇਆਮ ਸੱਟਾ ਲਾਉਂਦਿਆਂ ਕਾਬੂ ਕਰ ਕੇ ਉਸ ਪਾਸੋਂ 1950 ਰੁਪਏ ਦੇ ਕਰੰਸੀ ਨੋਟ, ਗੱਤਾ, ਬਾਲ ਪੈੱਨ ਤੇ ਪਰਚਾ ਬਰਾਮਦ ਕੀਤਾ ਹੈ। -ਨਿੱਜੀ ਪੱਤਰ ਪ੍ਰੇਰਕ