ਉਤਰਾਖੰਡ ਵਿੱਚ ਫੌਜ ਦਾ ਟਰੱਕ ਪਲਟਿਆ, ਇੱਕ ਜਵਾਨ ਹਲਾਕ

ਨਵੀਂ ਟਿਹਰੀ, 23 ਅਕਤੂਬਰ
ਉਤਰਾਖੰਡ ਵਿੱਚ ਟਿਹਰੀ ਜ਼ਿਲ੍ਹੇ ਦੇ ਦੇਵਪ੍ਰਯਾਗ ਵਿੱਚ ਅੱਜ ਫੌਜ ਦੇ ਇੱਕ ਵਾਹਨ ਦੇ ਪਲਟਨ ਕਾਰਨ ਇੱਕ ਜਵਾਨ ਦੀ ਮੌਤ ਹੋ ਗਈ। ਦੇਵਪ੍ਰਯਾਗ ਥਾਣੇ ਦੇ ਇੰਚਾਰਜ ਮਹੀਪਾਲ ਸਿੰਘ ਰਾਵਤ ਨੇ ਦੱਸਿਆ ਕਿ ਇਹ ਹਾਦਸਾ ਦੁਪਹਿਰ ਲਗਪਗ ਪੌਣੇ 12 ਵਜੇ ਰਿਸ਼ੀਕੇਸ਼-ਬਦਰੀਨਾਥ ਰਾਜਮਾਰਗ ’ਤੇ ਐੱਨਐੱਚਪੀਸੀ ਮੋੜ ’ਤੇ ਉਸ ਸਮੇਂ ਵਾਪਰਿਆ ਜਦੋਂ ਫੌਜ ਦਾ ਵਾਹਨ ਜਵਾਨਾਂ ਨੂੰ ਲੈ ਕੇ ਗੋਚਰ ਤੋਂ ਦੇਹਰਾਦੂਨ ਦੇ ਰਾਇਵਾਲਾ ਜਾ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਸੂਚਨਾ ਮਿਲਣ ਮਗਰੋਂ ਘਟਨਾ ਸਥਾਨ ’ਤੇ ਪੁੱਜੀ ਪੁਲੀਸ ਨੇ ਫੌਰੀ ਮਸ਼ੀਨ ਬੁਲਾ ਕੇ ਵਾਹਨ ਨੂੰ ਸਿੱਧ ਕਰਵਾਇਆ ਤੇ ਹੇਠਾਂ ਦਬੇ ਜਵਾਨ ਨੂੰ ਬਾਹਰ ਕੱਢਿਆ। ਮ੍ਰਿਤਕ ਦੀ ਪਛਾਣ 26 ਰਾਜਪੂਤ ਰੈਜੀਮੈਂਟ ਦੇ ਹੌਲਦਾਰ ਸ਼ੈਲੇਂਦਰ ਸਿੰਘ (35) ਵਜੋਂ ਹੋਈ ਹੈ। -ਪੀਟੀਆਈ